కాంగ్రెస్ నేత, మాజీ ఎంపీ సిరిసిల్ల రాజయ్య కోడలు సారిక, ఆమె ముగ్గురు పిల్లలు అనుమానాస్పద మృతి కేసులో ఆస‌క్తిక‌ర‌మైన మ‌లుపు చోటుచేసుకుంది. రాజయ్య కుమారుడు అనిల్ రెండో భార్య సనను పోలీసులు అరెస్టుచేశారు. ఈ కేసులో ఏ4 నిందితురాలిగా స‌నాను పేర్కొన్నారు. సారిక స‌హా ముగ్గురు చిన్నారుల మ‌ర‌ణం వెలుగులోకి వ‌చ్చిన‌ప్ప‌టినుంచి స‌నా ప‌రారీలో ఉన్నారు. ఆమె ముంద‌స్తు బెయిల్ పిటిష‌న్‌ ను కోర్టు తిర‌స్క‌రించిన‌ట్లు సమాచారం. అయితే ఈ కేసులో స‌నాను కీలకమైన నిందితురాలిగా పేర్కొన్న పోలీసులు ఆమె కోసం గాలింపు చేప‌ట్టారు. తాజాగా ఆమెను పోలీసులు ఖమ్మంలో అదుపులోకి తీసుకున్నారు. సనకు ఇద్దరు పిల్లలున్నట్లు కూడా సమాచారం.
సారిక‌ను దూరంగా పెట్టి స‌న‌తో అనిల్ సంసారం చేయ‌డం వ‌ల్లే ఆ కుటుంబంలో స‌మ‌స్య‌లు వ‌చ్చిన సంగ‌తి తెలిసిందే. ఇదిలా ఉండ‌గా.... రాజయ్య స‌హా ఆయ‌న భార్య మాధవి, కుమారుడు అనిల్ వరంగల్ సెంట్రల్ జైలులో ఉంటున్నారు. సారిక మ‌ర‌ణంపై అనుమానాలు తలెత్తిన‌ప్ప‌టికీ ఆమెది ఆత్మహత్యేనని పోలీసులు రిమాండ్ నివేదికలో పొందుపరిచారు.
సారిక‌ను దూరంగా పెట్టి స‌న‌తో అనిల్ సంసారం చేయ‌డం వ‌ల్లే ఆ కుటుంబంలో స‌మ‌స్య‌లు వ‌చ్చిన సంగ‌తి తెలిసిందే. ఇదిలా ఉండ‌గా.... రాజయ్య స‌హా ఆయ‌న భార్య మాధవి, కుమారుడు అనిల్ వరంగల్ సెంట్రల్ జైలులో ఉంటున్నారు. సారిక మ‌ర‌ణంపై అనుమానాలు తలెత్తిన‌ప్ప‌టికీ ఆమెది ఆత్మహత్యేనని పోలీసులు రిమాండ్ నివేదికలో పొందుపరిచారు.