పులివెందులకు ప్రపంచస్థాయి వ్యాక్సిన్ కంపెనీ

తనను గెలిపించిన ప్రజలకు సీఎం జగన్ మరో వరమిచ్చారు. ప్రపంచ వ్యాక్సిన్ తయారీ కేంద్రాన్ని కేటాయించారు. పులివెందుల ఏపీ కార్ల్ లో వ్యాక్సిన్ తయారీ యూనిట్ ఏర్పాటుకు సీఎం జగన్ మోహన్ రెడ్డి సమక్షంలో ఐజీవైతో అవగాహన ఒప్పందం కుదిరింది. ఈ మేరకు ఏపీ కార్ల్ సీఈవో డాక్టర్ ఎం. శ్రీనివాసరావు, ఐజీవై ఇమ్యూనోలాజిక్స్ ఇండియా ప్రైవేట్ లిమిటెడ్ అవగాహన ఒప్పందం చేసుకుంది.

ఈ కంపెనీ పశువులకు సంబంధించిన అన్నిరకాల వ్యాక్సిన్లు తయారీ చేస్తుంది. గొర్రెలు, గేదెలు, ఆవులు, మేకలకు సంబంధించిన వ్యాధులకు అవసరమైన వ్యాక్సిన్లు ఉత్పత్తి చేస్తుంది. ఈ వ్యాక్సిన్ తయారీ యూనిట్ కు ఐజీవై దాదాపు రూ.50 కోట్ల పెట్టుబడి పెట్టనుంది.

కాగా వ్యాక్సిన్ తయారీ యూనిట్ కు ఏపీ ప్రభుత్వం అన్ని సదుపాయాలను కల్పించనుంది. ఈ కంపెనీ ద్వారా 100 మంది నిపుణులకు, సిబ్బందికి ఉపాధి లభించనుంది.

ఏపీ ప్రభుత్వం అవసరాలు తీరిన తర్వాత ఇతర రాష్ట్రాలకు ఎగుమతి చేసే దిశగా ఏపీ ప్రభుత్వం సమాలోచనలు చేస్తోంది.