ఎంపీ ప్రియాంక గాంధీ బ్యూటీ మీద మాట్లాడాడు

ఎంత రాజకీయం అయితే మాత్రం.. నోటికి వచ్చినట్లు మాట్లాడితే ఏమాత్రం బాగోదు. కానీ.. ఆ విషయాన్ని మర్చిపోయి కొందరు లేని తలనొప్పుల్ని నెత్తి మీదకు తెచ్చుకుంటుంటారు. తాజాగా అలాంటి తలనొప్పిని మీదేసుకున్నారు బీజేపీ ఎంపీ ఒకరు. అవసరం లేని సమయంలో అనవసరంగా ప్రియాంకగాంధీ అందం గురించి ప్రస్తావించి మాట్లాడిన బీజేపీ ఎంపీ వినయ్ కతియార్ కొత్త వివాదానికి తెర తీశారు.

ప్రియాంక కంటే అందమైన మహిళలు చాలామంది తమ పార్టీలో ఉన్నారని.. ఆమె కంటే అందమైన యాక్టర్లు.. ఆర్టిస్టులు అందంగా ఉంటారంటూ నోరు పారేసుకున్నారు. ఉత్తరప్రదేశ్ అసెంబ్లీ ఎన్నికల ప్రచారం కోసం కాంగ్రెస్ పార్టీ తాజాగా విడుదల చేసిన స్టార్ క్యాంపెయినర్ల లిస్ట్ లో పలువురు సినిమా తారలతోపాటు.. ప్రియాంకగాంధీ ఉన్నారు. ఈ విషయాన్ని ప్రస్తావిస్తూ.. ప్రియాంకగాంధీ అందం గురించి అనుచితంగా మాట్లాడి బుక్ అయ్యారు. బీజేపీ ఎంపీ చేసిన వ్యాఖ్యలపై పలువురు మండిపడుతున్నారు. ప్రియాంక గాంధీ అందం గురించి మాట్లాడాల్సిన అవసరం ఏముందంటూ ఫైర్ అవుతున్నారు.


Like Us on Facebook : https://www.facebook.com/Tupakidotcom/