కళ్లలో పెట్టుకున్నాడు.. మంచి ఫ్యూచ‌ర్ ఇచ్చాడు.. కానీ, ఆమె భర్తను కిరాత‌కంగా చంపేసింది!
ఇది.. ఎవ‌రికీ అంతుచిక్క‌ని ఉదంతం. ఒక‌వైపు.. భ‌ర్తలు త‌మ‌ను స‌రిగా చూడ‌డం లేద‌ని వాపోతున్న భార్య‌లు ఉన్న ఈ ప్ర‌పంచంలో.. భార్య‌ను కళ్లలో పెట్టుకుని చూసి... అంద‌లం ఎక్కించిన భర్తను ఆ భార్య అత్యంత పాశ‌వికంగా హతమార్చింది. మురికవాడలో పెరిగిన ఒక నిరుపేద మహిళను పెళ్లి చేసుకుని మంచి జీవితం ఇచ్చాడు. రాజకీయ నాయకురాలిగా ఎదిగేలా చేశాడు. అందుకు ప్రతిఫలంగా భర్తనే కడతేర్చేందుకు యత్నించి కటకటాల పాలయ్యింది. ఈ ఘటన బ్రెజిల్‌లో చోటు చేసుకుంది.
బ్రెజిలియన్‌ మాజీ కాంగ్రెస్‌ మహిళ ఫ్లోర్డెలిస్‌ డాస్‌ శాంటోస్ మురకివాడల్లో పెరిగింది. ఆమెను 1994లో పాస్టర్ ఆండర్సన్ డో కార్మో కలుసుకున్నాడు. ఆ తర్వాత ఆమెను వివాహం చేసుకున్నాడు. ఈ జంట మురికివాడల్లోని డజన్ల కొద్ది పిల్లలను దత్తత తీసుకుని ఎంతో ఆదర్శంగా నిలిచారు.
బ్రెజిల్‌లోని ఎవాంజెలికల్‌ క్రిస్టియన్‌ ఉద్యమంలో కూడా ఈ జంట మంచి పేరుతెచ్చుకున్నారు. అంతేగాదు శాంటోస్ 2018లో కన్జర్వేటివ్ సోషల్ డెమోక్రటిక్ పార్టీ తరుఫున శాంటోస్ కాంగ్రెస్‌కు ఎన్నికయ్యింది కూడా. అయితే ఆర్ధిక వ్యవహారాల విషయాల్లో ఆమె భర్త డో కార్మో చాల కఠినంగా వ్యవహరించ‌డం ఆమెకు న‌చ్చ‌లేదు.
ఈ విషయమై ఇద్దరి మధ్య విభేదాలు ఉన్నాయి. అదీగాక ఆమె ఎప్పుడైతే రాజకీయవేత్తగా ఎదగడం ప్రారంభమైందో అప్పటి నుంచి శాంటోస్ తన భర్తను హతమార్చేందుకు యత్నించింది. ఇలా ఆమె అతనిపై సుమారు 6 సార్లు విష ప్రయోగం చేసి హతమార్చేందుకు యత్నించింది. ఇక చివరికి తన బంధువు సాయంతో ఆయుధాన్ని కొనుగోలు చేసి మరీ 2019లో హతమార్చింది. దీన్ని సాయుధ దోపిడి హత్యగా చిత్రికరించేందుకు యత్నించింది. అయితే ఆ సమయంలో ఆమె పార్లమెంట్‌ సభ్యురాలుగా ఉండటంతో ఆమెను అదుపులోకి తీసుకోవడం, విచారించ‌డం పోలీసుల‌కు సాధ్యం కాలేదు.
ఆమె ఇటీవల 2021 పార్లమెంటరీ ఎన్నికల్లో ఓడిపోయి పదవిని కోల్పోవడంతో పోలీసులు ఈ కేసును చేధించారు. విచారణలో ఆమె తన కుటంబ సభ్యులు, పిల్లల సాయంతో తన భర్తను హతమార్చినట్లు తేలింది. దీంతో బ్రెజిల్‌ కోర్టు ఆమెకు 50 ఏళ్లు జైలు శిక్ష విధించింది. ఆమెకు ఈ హత్యలో సహకరించి తన కుమార్తెకి 30 ఏళ్లు జైలు శిక్ష విధించింది. ఈ హత్యలో ఆమెకు ఆయుధం కొనుగోలు చేసి సాయం అందించిన బంధువుకి కూడా ఏడాది జైలు శిక్ష విధించింది. ఈ ఘ‌ట‌న‌పై నెటిజ‌న్లు రియాక్ట్ అయ్యారు. ``మంచి భర్త దొర‌క‌లేద‌ని మేం బాధ‌ప‌డుతుంటే.. ఉన్న మంచి వాణ్ని ఎలా హ‌త్య చేయాల‌నింపించిందే త‌ల్లీ!`` అని కామెంట్లు చేస్తుండ‌డం గ‌మ‌నార్హం.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
బ్రెజిలియన్‌ మాజీ కాంగ్రెస్‌ మహిళ ఫ్లోర్డెలిస్‌ డాస్‌ శాంటోస్ మురకివాడల్లో పెరిగింది. ఆమెను 1994లో పాస్టర్ ఆండర్సన్ డో కార్మో కలుసుకున్నాడు. ఆ తర్వాత ఆమెను వివాహం చేసుకున్నాడు. ఈ జంట మురికివాడల్లోని డజన్ల కొద్ది పిల్లలను దత్తత తీసుకుని ఎంతో ఆదర్శంగా నిలిచారు.
బ్రెజిల్‌లోని ఎవాంజెలికల్‌ క్రిస్టియన్‌ ఉద్యమంలో కూడా ఈ జంట మంచి పేరుతెచ్చుకున్నారు. అంతేగాదు శాంటోస్ 2018లో కన్జర్వేటివ్ సోషల్ డెమోక్రటిక్ పార్టీ తరుఫున శాంటోస్ కాంగ్రెస్‌కు ఎన్నికయ్యింది కూడా. అయితే ఆర్ధిక వ్యవహారాల విషయాల్లో ఆమె భర్త డో కార్మో చాల కఠినంగా వ్యవహరించ‌డం ఆమెకు న‌చ్చ‌లేదు.
ఈ విషయమై ఇద్దరి మధ్య విభేదాలు ఉన్నాయి. అదీగాక ఆమె ఎప్పుడైతే రాజకీయవేత్తగా ఎదగడం ప్రారంభమైందో అప్పటి నుంచి శాంటోస్ తన భర్తను హతమార్చేందుకు యత్నించింది. ఇలా ఆమె అతనిపై సుమారు 6 సార్లు విష ప్రయోగం చేసి హతమార్చేందుకు యత్నించింది. ఇక చివరికి తన బంధువు సాయంతో ఆయుధాన్ని కొనుగోలు చేసి మరీ 2019లో హతమార్చింది. దీన్ని సాయుధ దోపిడి హత్యగా చిత్రికరించేందుకు యత్నించింది. అయితే ఆ సమయంలో ఆమె పార్లమెంట్‌ సభ్యురాలుగా ఉండటంతో ఆమెను అదుపులోకి తీసుకోవడం, విచారించ‌డం పోలీసుల‌కు సాధ్యం కాలేదు.
ఆమె ఇటీవల 2021 పార్లమెంటరీ ఎన్నికల్లో ఓడిపోయి పదవిని కోల్పోవడంతో పోలీసులు ఈ కేసును చేధించారు. విచారణలో ఆమె తన కుటంబ సభ్యులు, పిల్లల సాయంతో తన భర్తను హతమార్చినట్లు తేలింది. దీంతో బ్రెజిల్‌ కోర్టు ఆమెకు 50 ఏళ్లు జైలు శిక్ష విధించింది. ఆమెకు ఈ హత్యలో సహకరించి తన కుమార్తెకి 30 ఏళ్లు జైలు శిక్ష విధించింది. ఈ హత్యలో ఆమెకు ఆయుధం కొనుగోలు చేసి సాయం అందించిన బంధువుకి కూడా ఏడాది జైలు శిక్ష విధించింది. ఈ ఘ‌ట‌న‌పై నెటిజ‌న్లు రియాక్ట్ అయ్యారు. ``మంచి భర్త దొర‌క‌లేద‌ని మేం బాధ‌ప‌డుతుంటే.. ఉన్న మంచి వాణ్ని ఎలా హ‌త్య చేయాల‌నింపించిందే త‌ల్లీ!`` అని కామెంట్లు చేస్తుండ‌డం గ‌మ‌నార్హం.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.