వూహాన్ ల్యాబ్ లోనే కరోనా పుట్టింది.. బాంబు పేల్చిన ట్రంప్

అగ్రరాజ్యపు అధినేత.. అమెరికా అధ్యక్షుడు డొనాల్డ్ ట్రంప్ సంచలన నిజాన్ని బయటపెట్టారు. ఇప్పటికే కరోనా వైరస్ ను చైనీస్ వైరస్ అంటూ ఆడిపోసుకుంటున్న డొనాల్డ్ ట్రంప్ ఇప్పుడు తాజాగా బాంబు పేల్చారు. కరనో వైరస్ పుట్టికపై సంచనల వ్యాఖ్యలు చేశారు.

చైనాలోని వూహాన్ లో గల ల్యాబోరేటరితో కరోనా వైరస్ కు సంబంధం ఉందని.. దీన్ని అక్కడే తయారు చేశారనడానికి అవసరమైన సాక్ష్యాధారాలను తాను చూశానని డొనాల్డ్ ట్రంప్ ప్రకటించారు. వ్యూహాన్ ఇన్ స్టిట్యూటట్ ఆఫ్ వైరాలజీలో కరోనా వైరస్ ను సృష్టించారంటూ అమెరికా ఇంటెలిజిన్స్ విభాగంగా తేల్చినట్టు తాజాగా ట్రంప్ తెలిపారు. ఆధారాలపై మాత్రం క్లారిటీ ఇవ్వలేదు.

చైనాలోని హ్యునన్ ఫిష్ మార్కెట్ లో కరోనా వైరస్ పుట్టిందని.. గబ్బిలాల ద్వారా వ్యాపించిందని చైనా తెలిపింది. అయితే చైనాను ప్రపంచ ఆరోగ్యసంస్థ కూడా వెనుకేసుకొచ్చింది. కాగా ప్రపంచ ఆరోగ్య సంస్థ చైనాతో చీకటి ఒప్పందాన్ని కుదుర్చుకుందని ట్రంప్ ఘాటు విమర్శలు చేశారు. చైనాతో కుమ్మక్కు అయ్యిందని నిప్పులు చెరిగారు.

ఇక చైనాలోని వూహాన్ ల్యాబ్ లోనే కరోనా వైరస్ పుట్టిందని.. తమ దగ్గర ఆధారాలున్నాయని.. ప్రపంచ ఆరోగ్య సంస్థ ఇప్పటి దాకా ఏ ఒక్క నివేదికను కూడా ఎందుకు తెప్పించుకోలేదని ట్రంప్ నిలదీశారు. తమ దగ్గర నివేదికలున్నాయని ట్రంప్ స్పష్టం చేశారు.