తెలంగాణలో కరోనా హాట్ స్పాట్స్ ఇవే

తెలంగాణలో కరోనా వైరస్ విస్తృతి రోజురోజుకు పెరుగుతుండడం.. రోగుల సంఖ్యలో పదుల సంఖ్యలో ఎగబాకుతుండడంతో కేసీఆర్ సర్కార్ మరింత అప్రమత్తమైంది. ఢిల్లీ ప్రార్థనలకు వెళ్లి వచ్చిన వారు నివసిస్తున్న ప్రాంతాల్లో కరోనా కేసులు ఎక్కువగా బయటపడుతున్నాయి. ఈ క్రమంలోనే రాష్ట్రవ్యాప్తంగా ఆరు కరోనా హాట్ స్పాట్స్ ను తెలంగాణ ప్రభుత్వం గుర్తించింది.  ఈ మేరకు తాజాగా ప్రకటించింది.

కరోనా వ్యాధి సోకి కూడా బయటకు చెప్పని ప్రజలు ఎక్కువగా ఉన్న ప్రాంతాలను డేంజర్ జోన్లుగా వర్గీకరించి హాట్ స్పాట్స్ గా ప్రకటించింది. తెలంగాణలో ఈ హాట్ స్పాట్స్ ఇవే..

1. హైదరాబాద్ పాతబస్తీ
2. గద్వాల్
3. మిర్యాలగూడ
4. నిజామాబాద్
5. నిర్మల్
6. భైంసా

ఈ ఆరు నగరాలను హాట్ స్పాట్స్ గా గుర్తించి ఇక్కడ మరింత లాక్ డౌన్ ను కఠినంగా అమలు చేయాలని సర్కారు నిర్ణయించింది.

ఈ ప్రాంతాల్లో ఢిల్లీ వెళ్లివచ్చిన వారు లాక్ డౌన్ ఉల్లంఘించి బయట తిరిగారని.. పలువురిని కలిశారని.. ఇతర ప్రాంతాలకు వెళ్లివచ్చారని పోలీసులు గుర్తించారు. వారు ఇక బయట తిరగకుండా ఈ ఆరు హాట్ స్పాట్స్ లో లాక్ డౌన్ ను మరింత కఠినంగా అమలు చేయబోతున్నారు.

*నిబంధనలు ఇవీ

ఈ హాట్ స్పాట్ ప్రాంతాల్లో మూడు కి.మీల పరిధి వరకు ఎవరినీ అనుమతించరు. ఒక్క ఉన్న వారిని బయటకు వెళ్లనీయరు.  బయట నుంచి ఇతరులను లోపలికి అనుమతించరు.