మోడీ టీంలో మీరు చేరుతారా?

ప్ర‌ధాని మోడీని వ్య‌తిరేకించేవారు ఎంద‌రున్నారో ఆయ‌న్ను అభిమానించేవారు అంత‌కుమించిన సంఖ్య‌లో ఉన్నారు. ఛాన్సు దొరికితే మోడీ కోసం ప‌నిచేయాల‌ని.. ఆయ‌న‌తో క‌లిసి పనిచేయాల‌ని అనుకునేవారూ ఉన్నారు. అలాంటివారికి ప్ర‌భుత్వం మంచి ఛాన్సు క‌ల్పిస్తోంది. ప్ర‌భుత్వం ఆధ్వ‌ర్యంలోని డిజిటల్ ఇండియా - మై గ‌వ్ లో భాగ‌స్వాములుగా ఉద్యోగావకాశాలు అందుకునే అవ‌కాశం క‌ల్పిస్తోంది.  దీనికోసం అన్ని కేంద్ర మంత్రివర్గ విభాగాల్లో నిపుణులైన యువత నుంచి కేంద్రం దరఖాస్తులను ఆహ్వానిస్తోంది.

ఎడిటోరియల్ రైటర్లు - రీసెర్చర్లు - సాఫ్ట్ వేర్ డెవలపర్లు - డేటా సైంటిస్టులు - గ్రాఫిక్ డిజైన్లర్లు - స్క్రిప్ట్ రైటర్లు - యాప్ డెవలపర్లు... ఇలా వివిధ పోస్టులున్నాయి. దీనిక అప్ల‌యి చేయాల‌నుకునేవారు రెజ్యూమేను పీడీఎఫ్ ఫార్మాట్ లో ఒక పేజీలో తయారు చేసి పంపించాల్సి ఉంటుంది. ఏ పోస్టును కోరుకుంటున్నారో తెలుపుతూ రెజ్యూమ్ ను అప్ లోడ్ చేయాలి. ఉదాహరణకు అకడమిక్ ఎక్స్ పర్ట్ పోస్టుకు దరఖాస్తు చేస్తుంటే, కామెంట్ బాక్స్ లో 'హ్యాష్ టాగ్ అకడమిక్ ఎక్స్ పర్ట్' ( #AcademicExpert) అని టైప్ చేసి రెజ్యూమ్ అప్ లోడ్ చేయాలి. వీటిని ప‌రిశీలించి బృంద చ‌ర్చ‌లు - మౌఖిక ప‌రీక్ష‌ల త‌రువాత వేతన ప్యాకేజీ నిర్ణ‌యిస్తారు. దరఖాస్తులను "https://www.mygov.in/task/do-you-want-work-government/"లో పంపవచ్చు.

కాగా ఇప్పటివరకూ 154 మంది దరఖాస్తు చేయగా - ఒక్కరిని కూడా ఎంపిక చేయ‌లేద‌ని.. అన్ని ద‌ర‌ఖాస్తులు పెండింగులో ఉన్నాయ‌ని తెలుస్తోంది. మోడీ త‌ర‌ఫున మీడియా విభాగంగా, ప్ర‌భుత్వ ప‌థ‌కాల‌ను ప్ర‌చారం చేసే ప‌నిగా ఉండొచ్చ‌ని చెబుతున్నారు.