అంతర్జాతీయ వేదిక‌లు ఎంత గంభీరంగా ఉంటాయో ప్ర‌త్యేకించి చెప్పాల్సిన అవ‌స‌రం లేదు. అలాంటి వేదిక‌ల మీద కూసింత కామెడీని పండించ‌టం మామూలు విష‌యం కాదు. చిన్న తేడా వ‌చ్చినా జ‌రిగే ఇమేజ్ డ్యామేజ్ అంతా ఇంతా అన్న‌ట్లు ఉండ‌దు. కానీ.. అలాంటివాటిని అస్స‌లు ప‌ట్టించుకోన‌ట్లుగా వ్య‌వ‌హ‌రించ‌ట‌మే కాదు.. ప్ర‌పంచంలో తాను ఎవ‌రినైనా కెలికేస్తాన‌న్న‌ట్లుగా వ్య‌వ‌హ‌రించే ధోర‌ణి అమెరికా అధ్య‌క్షుడు ట్రంప్ లో ఎక్కువే సుమా.
దేశాధినేత‌లతో చిలిపిగా వ్య‌వ‌హ‌రించ‌టం సాధ‌మేనా? అంటే.. సాధ్య‌మే అంటూ త‌న తీరుతో తేల్చి చెబుతుంటారు ట్రంప్. తాజాగా చోటు చేసుకున్న ప‌రిణామ‌మే దీనికి నిద‌ర్శ‌నంగా చెప్ప‌క త‌ప్ప‌దు. గంభీరంగా ఉన్న వారిని త‌న చిలిపి చేష్ట‌ల‌తో ఒక్క‌సారి త‌న‌వైపు దృష్టి మ‌రిలేలా వ్య‌వ‌హ‌రించ‌టం ట్రంప్ కు మాత్ర‌మే సాధ్యం.
జ‌పాన్ లోని ఒకాసాలో జ‌రుగుతున్న జీ20 స‌ద‌స్సుకు హాజ‌రైన ట్రంప్ ఊహించ‌ని ప‌ని చేసి షాకిచ్చారు. ఆయ‌న కార‌ణంగా ఒక్క‌సారిగా ఉలిక్కిప‌డింది ఎవ‌రో తెలుసా? సౌదీ యువ‌రాజు మ‌హ‌మ్మ‌ద్ బిన్ స‌ల్మాన్. స‌ద‌స్సు విరామ స‌మ‌యంలో దేశాధినేత‌లంతా విశ్రాంతిగా రిలాక్స్ అవుతూ.. గంభీరంగా ఉన్నారు. ఇలాంటివేళ ట్రంప్ ప‌క్క‌కు వెళుతూ.. వెళుతూ.. త‌న చేతి వేళ్ల‌తో సౌదీ యువ‌రాజును చిలిపిగా ట‌చ్ చేశారు. సౌదీ రాజు చుట్టూ సెక్యురిటీ సిబ్బంది ఉన్నా.. వారికెవ‌రికి అర్థం కాని రీతిలో.. యువ‌రాజుకు మాత్ర‌మే ఉలిక్కిప‌డేలా చేసిన ట్రంప్ నేర్ప‌రిత‌నం వావ్ అనిపించ‌క మాన‌దు.
సౌదీ యువ‌రాజును అలా ట‌చ్ చేసే సాహ‌సం ట్రంప్ త‌ప్ప ఎవ‌రూ చేయ‌లేరేమో? ఈ ఊహించ‌ని ప‌రిణామంతో ఒక్క‌సారి ఉలిక్కిప‌డిన ఆయ‌న.. త‌న‌ను ట‌చ్ చేసిందెవ‌ర‌న్న విష‌యాన్ని వెన‌క్కి తిరిగి చూశారు. అప్ప‌టికే ట్రంప్ ముందుకు వెళ్ల‌టంతో క‌నిపించ‌లేదు. ఆ వెంట‌నే ప‌క్క‌కు చూడ‌గా.. ట్రంప్ త‌న దారిన తాను వెళుతున్న‌ట్లుగా చూసి.. విష‌యం అర్థ‌మై ప‌ల్చ‌గా న‌వ్వేశారు. ఎనిమిది సెకండ్ల‌లో చోటు చేసుకున్న ఈ పరిణామం ఇప్పుడు అంద‌రి దృష్టిని ఆక‌ర్షించ‌ట‌మే కాదు.. చిలిపిగా కెల‌క‌టంలో ట్రంప్ కు మించినోళ్లు లేర‌న్న మాట వినిపిస్తోంది.
దేశాధినేత‌లతో చిలిపిగా వ్య‌వ‌హ‌రించ‌టం సాధ‌మేనా? అంటే.. సాధ్య‌మే అంటూ త‌న తీరుతో తేల్చి చెబుతుంటారు ట్రంప్. తాజాగా చోటు చేసుకున్న ప‌రిణామ‌మే దీనికి నిద‌ర్శ‌నంగా చెప్ప‌క త‌ప్ప‌దు. గంభీరంగా ఉన్న వారిని త‌న చిలిపి చేష్ట‌ల‌తో ఒక్క‌సారి త‌న‌వైపు దృష్టి మ‌రిలేలా వ్య‌వ‌హ‌రించ‌టం ట్రంప్ కు మాత్ర‌మే సాధ్యం.
జ‌పాన్ లోని ఒకాసాలో జ‌రుగుతున్న జీ20 స‌ద‌స్సుకు హాజ‌రైన ట్రంప్ ఊహించ‌ని ప‌ని చేసి షాకిచ్చారు. ఆయ‌న కార‌ణంగా ఒక్క‌సారిగా ఉలిక్కిప‌డింది ఎవ‌రో తెలుసా? సౌదీ యువ‌రాజు మ‌హ‌మ్మ‌ద్ బిన్ స‌ల్మాన్. స‌ద‌స్సు విరామ స‌మ‌యంలో దేశాధినేత‌లంతా విశ్రాంతిగా రిలాక్స్ అవుతూ.. గంభీరంగా ఉన్నారు. ఇలాంటివేళ ట్రంప్ ప‌క్క‌కు వెళుతూ.. వెళుతూ.. త‌న చేతి వేళ్ల‌తో సౌదీ యువ‌రాజును చిలిపిగా ట‌చ్ చేశారు. సౌదీ రాజు చుట్టూ సెక్యురిటీ సిబ్బంది ఉన్నా.. వారికెవ‌రికి అర్థం కాని రీతిలో.. యువ‌రాజుకు మాత్ర‌మే ఉలిక్కిప‌డేలా చేసిన ట్రంప్ నేర్ప‌రిత‌నం వావ్ అనిపించ‌క మాన‌దు.
సౌదీ యువ‌రాజును అలా ట‌చ్ చేసే సాహ‌సం ట్రంప్ త‌ప్ప ఎవ‌రూ చేయ‌లేరేమో? ఈ ఊహించ‌ని ప‌రిణామంతో ఒక్క‌సారి ఉలిక్కిప‌డిన ఆయ‌న.. త‌న‌ను ట‌చ్ చేసిందెవ‌ర‌న్న విష‌యాన్ని వెన‌క్కి తిరిగి చూశారు. అప్ప‌టికే ట్రంప్ ముందుకు వెళ్ల‌టంతో క‌నిపించ‌లేదు. ఆ వెంట‌నే ప‌క్క‌కు చూడ‌గా.. ట్రంప్ త‌న దారిన తాను వెళుతున్న‌ట్లుగా చూసి.. విష‌యం అర్థ‌మై ప‌ల్చ‌గా న‌వ్వేశారు. ఎనిమిది సెకండ్ల‌లో చోటు చేసుకున్న ఈ పరిణామం ఇప్పుడు అంద‌రి దృష్టిని ఆక‌ర్షించ‌ట‌మే కాదు.. చిలిపిగా కెల‌క‌టంలో ట్రంప్ కు మించినోళ్లు లేర‌న్న మాట వినిపిస్తోంది.