తెలంగాణలో ముంద‌స్తు ఎన్నికల హీట్ తారాస్థాయికి చేరుతోంది. ఇప్పటికే ప్ర‌తిప‌క్షాల‌న్నీ మ‌హాకూట‌మి పేరుతో ఏక‌తాటిపైకి రాగా, టీఆర్ ఎస్ అంత‌ర్గ‌త కుమ్ములాట‌ల‌తో స‌త‌మ‌మ‌తం అవుతోంది. ఈ రాజ‌కీయ వేడిలో మ‌రో కీలక అంశం తెర‌మీద‌కు వ‌చ్చింది. అప‌ద్ధ‌ర్మ ముఖ్యమంత్రి - టీఆర్ ఎస్ అధ్య‌క్షుడు కే చంద్రశేఖరరావుపై ఆయన త‌న‌యుడైన మంత్రి కే తారక రామారావుపై పోటీ చేసే అభ్య‌ర్థుల అంశంలో కీలక ప‌రిణామం తెర‌మీద‌కు వ‌చ్చింది. వచ్చే అసెంబ్లీ ఎన్నికల్లో కేసీఆర్‌ పై ప్రజాగాయకుడు గద్దర్‌ - కేటీఆర్‌ పై ప్రజాగాయని విమలక్క పోటీ చేయ‌నున్నారు. ఈ మేర‌కు సీపీఎం సార‌థ్యంలోని తెలంగాణ సామాజిక - ప్రజాసంఘాల ఐక్యవేదిక (టీ-మాస్‌) చైర్మన్‌ కంచ ఐలయ్య చెప్పారు. స్వతంత్ర అభ్యర్ధులుగానే బరిలో నిలుస్తారని చెప్పారు. కేసీఆర్‌ - కేటీఆర్‌ లను ఓడించి - తెలంగాణలో బహుజన రాజ్యాధికారాన్ని సాధించడమే లక్ష్యంగా ఈ ఎన్నికలు జరుగుతున్నాయని చెప్పారు.
ఎన్నికల నేప‌థ్యంలో తమ వైఖరిని ఖ‌రారు చేసేందుకు ఏర్పాటు చేసిన విలేక‌రుల స‌మావేశంలో కంచ ఐలయ్య మాట్లాడుతూ తెలంగాణ రాష్ట్ర సాధన కోసం గద్దర్‌ - విమలక్క అనేక త్యాగాలు చేశారని - చాకలి ఐలమ్మ - దొడ్డి కొమురయ్య వారసులుగా వీరు నిలుస్తారని అన్నారు. వారి పోరాటాలతో పోల్చితే కేసీఆర్‌ చేసింది శూన్యమని - ఆయన కొడుకు కేటీఆర్‌ తండ్రి పేరు చెప్పుకొని అధికారాన్ని అనుభవించాలని తాపత్రయ పడుతున్నాడని విమర్శించారు. గద్దర్‌ - విమలక్క ఎన్నికల పోటీకి అంబేద్కర్‌ - పూలే సంఘాలు - ప్రజా సంఘాలు - కవులు - రచయితలు - విప్లవ సంఘాలు సహా సకల ప్రజానీకం మద్దతు తెలపాలని కోరారు. గద్దర్‌ - విమలక్క పోటీలో ఉన్న చోట కాంగ్రెస్‌ - టీడీపీ - సీపీఐ సహా ఏ రాజకీయపార్టీ కూడా తమ అభ్యర్ధుల్ని ఎన్నికల్లో నిలబెట్టకుండా వారికి మద్దతు తెలపాలని కంచ ఐలయ్య విజ్ఞప్తి చేశారు. ఈ పోటీకి సీపీఎం - బహుజన లెఫ్ట్‌ ఫ్రంట్‌ ఇప్పటికే మద్దతు తెలిపాయని చెప్తూ...వారికి కృతజ్ఞతలు తెలిపారు. తెలంగాణలో సామాజిక న్యాయ సాధన కోసం టీ-మాస్‌ ఏర్పడిందని - దానిలో భాగంగా గతంలోనే మ్యానిఫెస్టో విడుదల చేశామని చెప్పారు. జనాభాప్రాతిపదికన ఎన్నికల్లో సీట్లు కేటాయించాలనే తమ డిమాండ్‌ను అమలు చేసేందుకు బహుజన లెఫ్ట్ఱ్‌ ఫ్రంట్‌ (బీఎల్ ఎఫ్‌) అంగీకరించిందని, మిగిలిన రాజకీయపార్టీలు కూడా తమ వైఖరిని వెల్లడించాలని డిమాండ్‌ చేశారు.
ఎన్నికల నేప‌థ్యంలో తమ వైఖరిని ఖ‌రారు చేసేందుకు ఏర్పాటు చేసిన విలేక‌రుల స‌మావేశంలో కంచ ఐలయ్య మాట్లాడుతూ తెలంగాణ రాష్ట్ర సాధన కోసం గద్దర్‌ - విమలక్క అనేక త్యాగాలు చేశారని - చాకలి ఐలమ్మ - దొడ్డి కొమురయ్య వారసులుగా వీరు నిలుస్తారని అన్నారు. వారి పోరాటాలతో పోల్చితే కేసీఆర్‌ చేసింది శూన్యమని - ఆయన కొడుకు కేటీఆర్‌ తండ్రి పేరు చెప్పుకొని అధికారాన్ని అనుభవించాలని తాపత్రయ పడుతున్నాడని విమర్శించారు. గద్దర్‌ - విమలక్క ఎన్నికల పోటీకి అంబేద్కర్‌ - పూలే సంఘాలు - ప్రజా సంఘాలు - కవులు - రచయితలు - విప్లవ సంఘాలు సహా సకల ప్రజానీకం మద్దతు తెలపాలని కోరారు. గద్దర్‌ - విమలక్క పోటీలో ఉన్న చోట కాంగ్రెస్‌ - టీడీపీ - సీపీఐ సహా ఏ రాజకీయపార్టీ కూడా తమ అభ్యర్ధుల్ని ఎన్నికల్లో నిలబెట్టకుండా వారికి మద్దతు తెలపాలని కంచ ఐలయ్య విజ్ఞప్తి చేశారు. ఈ పోటీకి సీపీఎం - బహుజన లెఫ్ట్‌ ఫ్రంట్‌ ఇప్పటికే మద్దతు తెలిపాయని చెప్తూ...వారికి కృతజ్ఞతలు తెలిపారు. తెలంగాణలో సామాజిక న్యాయ సాధన కోసం టీ-మాస్‌ ఏర్పడిందని - దానిలో భాగంగా గతంలోనే మ్యానిఫెస్టో విడుదల చేశామని చెప్పారు. జనాభాప్రాతిపదికన ఎన్నికల్లో సీట్లు కేటాయించాలనే తమ డిమాండ్‌ను అమలు చేసేందుకు బహుజన లెఫ్ట్ఱ్‌ ఫ్రంట్‌ (బీఎల్ ఎఫ్‌) అంగీకరించిందని, మిగిలిన రాజకీయపార్టీలు కూడా తమ వైఖరిని వెల్లడించాలని డిమాండ్‌ చేశారు.