స్టేడియంలో సెల్ఫీలు.. పరాగ్​ ఇది కొంచెం ఓవర్​ గా లేదూ..!

ఐపీఎల్​ అంటేనే ఎంటర్​టైన్మెంట్​. తక్కువ నిడివి ఉన్న మ్యాచ్​ కావడం. అంతర్జాతీయ స్థాయిలో పేరున్న ఆటగాళ్లు పాల్గొంటుండటంతో ఐపీఎల్​ కు ఎంతో క్రేజ్​ ఉంటుంది. ఇక ఐపీఎల్​ లో మనం ఎన్నో ఫన్నీ మూమెంట్స్  చూస్తుంటాం కూడా. నిన్న చెన్నైలోని చెపాక్​ స్టేడియంలో రాజస్థాన్​ రాయల్స్​.. కోల్​కతా నైట్​రైడర్స్​ తలపడ్డ విషయం తెలిసిందే. అయితే మ్యాచ్​ లో రాజస్థాన్​ రాయల్స్​ విజయం సాధించింది. బ్యాటింగ్​, బౌలింగ్​ రెండింట్లోనూ కోల్​కతా ఫెయిల్​ అయ్యింది.

ఇదిలా ఉంటే రాజస్థాన్​ రాయల్స్​ కు చెందిన క్రికెటర్​ రియాన్​ పరాగ్​ స్టేడియంలో ఎంతో ఉత్సాహంగా ఉంటాడు.  ఎవరినైనా అవుట్​ చేసిన .. ఏదైనా క్యాచ్​ పట్టినా డ్యాన్స్​ చేయడం అతడికి అలవాటు. అతడికి ఆనందం ఎక్కువైనప్పుడు అస్సామీ సంప్రదాయ నృత్యం ‘బిహు’ చేస్తుంటాడు. అయితే ఈ డ్యాన్స్​ తో చిరాగ్​ ఎంతో పాపులర్​ అయ్యాడు. అయితే నిన్నటి మ్యాచ్​ లో చిరాగ్​ రెండు కీలక వికెట్లు తీసుకున్నాడు.

కమ్మిన్స్​ ను అవుట్​ చేసినప్పుడు .. మరో క్రికెటర్​ రాహుల్​ తెవాటియాతో కలిసి మాక్​ సెల్ఫీ తీసుకున్నాడు. దీంతో అతడిపై ట్రోలింగ్ మొదలైంది. ఇందుకు సంబంధించిన ఫొటోలు సోషల్​ మీడియాలో వైరల్​ అయ్యాయి. సాధారణంగా గ్రౌండ్​ లోకి మొబైల్స్​ అనుమతి ఉండదు .. కాబట్టి పరాగ్​ తన వేళ్లతో సెల్ఫీని తీసుకున్నాడు. ఇందుకు సంబంధించిన పిక్స్​ సోషల్​ మీడియాలో వైరల్​ కాగా.. కొందరు ఈ చర్యను ఓవర్​ యాక్షన్​ గా కామెంట్​ చేశారు.

పరాగ్,రాహుల్ త్రిపాఠి, పాట్ కమ్మిన్స్ క్యాచ్‌లు తీసుకున్నాడు.అయితే ఈ విషయంపై పరాగ్​ ట్విట్టర్​ వేదికగా స్పందించారు. 'నేను ఎవరిని ఇబ్బంది పెట్టడానికి మాక్​ సెల్ఫీ తీసుకోలేదు. కేవలం నా ఆనందాన్ని వ్యక్తం చేయడానికే మాత్రమే ఇలా చేశాను’ అంటూ వివరణ ఇచ్చుకున్నాడు చిరాగ్​.