పవన్ కళ్యాణ్ బాహుబలి.. ఒక ఉదాహరణ..

‘యుద్ధం మొదలెట్టాక మధ్యలో వదిలిపెట్టడం మగతనం అనిపించుకోదు..’ ఇది తెలుగు సినిమాల్లో ఫేమస్ డైలాగ్.  ఇప్పుడీ డైలాగ్ ను పవన్ కళ్యాణ్ కు సరిగ్గా సూట్ అవుతుంది.. పాపం పవన్ కళ్యాణ్.. ఎన్నికల ప్రచార రంగంలోకి దిగి తెగ కష్టపడుతున్నాడు. 40 డిగ్రీలు దాటిన ఎండల్లో ప్రచారం నిర్వహిస్తూ ఈ మధ్యే సొమ్మసిల్లిపడిపోయాడు. ఆస్పత్రి పాలయ్యాడు. కానీ ప్రచారానికి ఇంకా నాలుగైదు రోజులే గడువు ఉండడంతో చేతికి సెలైన్లు ఎక్కించుకుంటూనే ప్రచారంలో పాల్గొంటున్నాడు. డాక్టర్లు విశ్రాంతి తీసుకోమని సలహా ఇచ్చినా పార్టీ కోసం.. తన అభ్యర్థుల కోసం చేతికి సెలైన్ కాన్యులా అలానే ఉన్నా అలానే ప్రసంగిస్తున్నారు.

తాజాగా ఆస్పత్రిలో సెలైన్ ఎక్కించుకొని విశ్రమించకుండా పవన్ తెనాలి సభకు అదే సెలైన్  కాన్యులాను చేతికి అట్టే పెట్టుకొని ప్రచారానికి రావడం అందరినీ కలిచివేసింది. పవన్ అభిమానులైతే ఈ దృశ్యాన్ని చూసి తమ అభిమాన నాయకుడి గుండెధైర్యానికి సలాం కొట్టాలో లేక.. ఇలా ఇంత క్లిష్టపరిస్థితుల్లో ప్రచారానికి వచ్చిన పవన్ ఆరోగ్యం ఏమైపోతుందోనన్న భయంతో అల్లాడిపోయారు. తెనాలి సభలో సెలైన్ కాన్యులా తో మాట్లాడిన పవన్ ఫొటోలు ఇప్పుడు సోషల్ మీడియాలో వైరల్ గా మారాయి. బాహుబలి సినిమాలో యుద్ధ సైనికులకు ప్రభాస్ ఎలా అయితే చేయి చూపి ఉద్రేకపరుస్తాడో.. అలాగే పవన్ చేయి ఎత్తిన ఫొటోలు ఇప్పుడు సోషల్ మీడియాను ముంచెత్తుతున్నాయి. బాహుబలితో పవన్ ను పోలుస్తూ అభిమానులు హర్షం వ్యక్తం చేస్తున్నారు.

తమ హీరో పోరాట స్ఫూర్తిని కొనియాడుతూ అభిమానులు  సోషల్ మీడియాను హోరెత్తిస్తున్నారు. మరి ఎన్నికల్లో ఇంత పోరాడుతున్న పవన్ కు ఎన్ని సీట్లు వస్తాయో తెలియదు..? ప్రజల మనసులు గెలిచాడో లేదో తెలియదు.. కానీ.. పవన్ పోరాట స్ఫూర్తిని మాత్రం అందరూ మెచ్చుకోవాల్సిందే..