ఆ జిల్లాలో మంత్రుల కన్నా ఎమ్మెల్యేనే పవర్ ఫుల్!

జగన్ కేబినెట్లో ఖాయంగా అవకాశం దక్కుతుందనే  వారి జాబితాలో పిన్నెల్లి రామకృష్ణా రెడ్డి పేరు ప్రముఖంగా వినిపించింది. అయితే ఆయనకు అవకాశం లభించలేదు. మంత్రి పదవి అయితే లభించనప్పటికీ పిన్నెల్లి మాత్రం మోస్ట్ పవర్ ఫుల్ గా చలామణి అవుతున్నారని సమాచారం. గుంటూరు ప్రాంతంలో పిన్నెల్లి మాటకు తిరుగులేదని తెలుస్తోంది.

అధికారిక - అనధికారిక వ్యవహారాల్లో అయినా రామకృష్ణా రెడ్డి ఆధిపత్యం ఉందని తెలుస్తోంది. పేరుకు మంత్రి పదవి దక్కలేదనే మాటే కానీ.. ఏ సిఫార్సులో అయినా పిన్నెళ్లి మాటే ఫైనల్ అవుతోందని టాక్.

ఒక్క మాటలో చెప్పాలంటే జగన్ కేబినెట్లో స్థానం దక్కిన వారి కన్నా పిన్నెళ్లి మాటకే విలువ ఎక్కువగా ఉందని.. గుంటూరు - పల్నాడు ఏరియాల్లో మంత్రుల  కన్నా ఈ ఎమ్మెల్యేనే పవర్ ఫుల్ అని అంటున్నారు పరిశీలకులు. పీఆర్కే పేరు చెబితే ఏ పని అయినా జరుగుతోందని చెబుతున్నారు.