నాగబాబు ట్వీట్ పై రఘురామ ఆరోపణలు

గురువారం నర్సాపురం పార్లమెంట్ నియోజకవర్గంలోని కొత్తాడ గ్రామంలో రఘురామకృష్ణంరాజుపై కొందరు యువకులు రాళ్లతో దాడి చేశారు. ఈ దాడిలో ఆయన కారు అద్దాలు పూర్తిగా ధ్వంసమయ్యాయి. సకాలంలో ఆయన వ్యక్తిగత సిబ్బంది దాడి చేసిన యువకులను చెదరగొట్టడంతో రఘురామకృష్ణంరాజుకు ముప్పు తప్పింది. దీనిపై ఆయన భీమవరం టూటౌన్ లో ఫిర్యాదు చేశారు.

వైసీపీ ఎంపీ అభ్యర్థిపై జరిగిన దాడిపై నర్సాపురం జనసేన అభ్యర్థి నాగబాబు ట్వీట్ చేయడంపై రఘురామకృష్ణం రాజు మండిపడ్డారు. తనపై దాడి ఇలా జరగ్గానే అలా ట్వీట్ నాగబాబు చేశాడని.. ఇదంతా ఆయనకు తెలిసే జరిగిందని ఆరోపించారు. దాడి చేసింది ఏ పార్టీవారైనా పోలీసులు పట్టుకోవాలని డిమాండ్ చేశారు.  ఆదివారం వైసీపీ నేతలు, సినీ కళాకారులతో కలిసి రఘురామకృష్ణంరాజు విలేకరుల సమావేశంలో మాట్లాడారు.

ఇక వైసీపీ అభ్యర్థిపై దాడిని వైసీపీ నాయకుడు, సినీ నటుడు ఫృథ్వీ ఖండించాడు. నాగబాబు, పవన్ లు మాట్లాడే భాష సరికాదన్నారు. అవినీతి ప్రభుత్వాన్ని ప్రశ్నించడం మానేసి.. జగన్ ను ప్రశ్నిస్తున్నప్పుడే జనసేన వైఖరి ఏంటో ప్రజలకు అర్థమవుతుందన్నారు. నటన వేరు, రాజకీయం వేరన్నారు. రాష్ట్రంలో జగన్ సీఎం కావాలని.. రాజన్న రాజ్యం కావాలని ప్రజలు కోరుకుంటున్నారని చెప్పారు. టీడీపీ భూస్థాపితం కావడం ఖాయమన్నారు.

రఘురామకృష్ణం రాజుపై దాడిని నాగబాబు ట్వీట్ చేశారు. జనసైనికుల ముసుగులో ఇతర పార్టీల వారు కొందరు విధ్వంస చర్యలకు దిగుతున్నారని.. జనసైనికులు అప్రమత్తంగా ఉండాలంటూ నాగబాబు ఫేస్ బుక్ లో పోస్ట్ చేయడంపై రఘురామకృష్ణం రాజు కౌంటర్ ఇచ్చారు.