కేసీఆర్ కు రేవంత్ శాపనార్థాలు

 తెలంగాణ సీఎం కేసీఆర్ పేరు చెబితే చాలు ఒంటికాలిపై లేచే టీటీడీపీ నేత రేవంత్ రెడ్డి మరోసారి ముఖ్యమంత్రిపై నిప్పులు చెరిగారు. తెలంగాణ ప్రభుత్వానికి - కేసీఆర్ కు  రైతుల ఉసురు తగులుతుందని ఆయన శాపం పెట్టారు.

వరంగల్ జిల్లా భూపాలపల్లిలో రైతు పోరు యాత్రను టీడీపీ అధ్యక్షుడు ఎల్.రమణ - వర్కింగ్ ప్రెసిడెంట్ రేవంత్ రెడ్డిలు  ప్రారంభించారు. ఈ సందర్భంగా రేవంత్ రెడ్డి మాట్లాడుతూ - టీఆర్ ఎస్ ప్రభుత్వం రైతు వ్యతిరేక విధానాలు అవలంబిస్తోందని, సింగరేణి భూములు కోల్పోయిన రైతులకు పరిహారం ఇవ్వలేదని అన్నారు. రైతులను చైతన్యవంతం చేసి ప్రభుత్వంపై ఒత్తిడి తెస్తామని, ప్రభుత్వానికి రైతుల ఉసురు తగులుతుందని ఆయన మండిపడ్డారు.

కాగా టీటీడీపీలో ఆధిపత్య పోరు నడుస్తోందని.. అధ్యక్షుడు ఎల్.రమణను కాదని రేవంత్ రెడ్డి స్వయంగా కార్యక్రమాలు చేసుకుంటున్నారని వస్తున్న విమర్శలకు రేవంత్ ఇప్పటికే సమాధానం చెప్పగా తాజాగా ఇద్దరూ కలిసి ఈ కార్యక్రమాన్ని ప్రారంభించారు. ఈ సందర్భంగా ఇద్దరు కలిసిమెలసి కనిపించినా ప్రభుత్వాన్ని విమర్శించడంలో మాత్రం రేవంతే దూకుడు చూపించారు.

Like Us on Facebook : https://www.facebook.com/Tupakidotcom/