జ‌న‌సేనానిపై వ‌ర్మ వైర‌ల్ వీడియో!

వివాదాస్ప‌ద దర్శ‌కుడు రామ్ గోపాల్ వ‌ర్మ ఎప్పుడు  - ఎవ‌రి మీదా ఏ ర‌క‌మైన‌ కామెంట్స్ చేస్తాడో ఎవ‌రికీ తెలియ‌దు. కొన్ని కొన్ని సార్లు ఆయ‌న చేసిన వ్యాఖ్య‌లు సామాన్య మాన‌వుల‌కు అర్థం కాని ప‌రిస్థితి. సోష‌ల్ మీడియాను రామ్ గోపాల్ వ‌ర్మ వాడినంత ఎఫెక్టివ్ గా మ‌రే సెల‌బ్రిటీ వాడ‌లేదంటే అతిశ‌యోక్తి కాదు. సోష‌ల్ మీడియాలో వ‌ర్మ వార్ స్టార్ట్ చేశాడంటే అది వ‌న్ సైడే...అది కూడా వ‌ర్మ సైడే. కొద్ది రోజుల నుంచి ల‌క్ష్మీస్ ఎన్టీఆర్ చిత్రంపై వ‌ర్మ‌-టీడీపీ నేత‌ల‌కు మ‌ధ్య జ‌రిగిన కామెంట్ల యుద్ధ‌మే ఇందుకు నిద‌ర్శ‌నం. తాజాగా, జ‌న‌సేనాని - సినీ న‌టుడు ప‌వ‌న్ క‌ల్యాణ్ పై వ‌ర్మ ఓ సంచ‌ల‌న వీడియోను త‌న ఫేస్ బుక్ ఖాతాలో పోస్ట్ చేశాడు. ఓ బ‌హిరంగ సభ సంద‌ర్భంగా ప‌వ‌న్ చేసిన వ్యాఖ్య‌ల‌ను త‌ప్పుబ‌డుతూ వ్యంగ్యాత్మ‌కంగా ఆ వీడియోలో స‌న్నివేశాల‌ను పొందుప‌రిచాడు.  ప్ర‌స్తుతం ఆ వీడియో సోష‌ల్ మీడియాలో వైర‌ల్ అవుతోంది.

నాకు ప‌వ‌న్ క‌ల్యాణ్ అంటే చాలా ఇష్టం అంటూనే ఆయ‌న‌పై వ‌ర్మ అనేక సార్లు వివాదాస్ప‌ద వ్యాఖ్య‌లు చేశాడు. త‌న‌ను ఇజ‌మ్ పుస్త‌కం బాగా నిరుత్సాహప‌రిచింద‌ని, కానీ ప‌వ‌నిజం అంటే ఇష్ట‌మ‌ని వ‌ర్మ గ‌తంలో చెప్పిన సంగ‌తి తెలిసిందే. మ‌రో సంద‌ర్భంలో... ప‌వ‌న్ క‌ల్యాణ్ కంటే అర్జున్ రెడ్డి హీరో విజ‌య్ దేవ‌ర‌కొండ 10 రెట్లు బెట‌ర‌ని కాంట్ర‌వ‌ర్షియ‌ల్‌ కామెంట్స్‌ చేశాడు. కొద్ది రోజుల క్రితం ప‌వ‌న్ కు కొడుకు పుట్టిన సంద‌ర్భంలో ఆయ‌న‌ను పొగిడాడు. ఆ తండ్రి ఊహ‌కు అంద‌నంత అందంగా ఉన్నాడు....అంటూ అపుడే పుట్టిన‌ బిడ్డ‌ను పొగ‌డ‌డానికి బ‌దులు తండ్రి ప‌వ‌న్ క‌ల్యాణ్ ను పొగిడాడు. ప‌వ‌న్ పై వ‌ర్మ వ్యాఖ్య‌లన్నిటినీ క‌ల‌గ‌లిపి చూసిన వారెవ‌రికైనా మైండ్ బ్లాక్ అవ్వాల్సిందే. తాజాగా, ప‌వ‌న్ పై వ‌ర్మ ఓ వైర‌ల్ వీడియో పోస్ట్ చేశాడు. ఓ బ‌హిరంగ స‌భ‌లో ప‌వ‌న్ ఎంతో భావోద్వేగంతో మాట్లాడుతూ, అస‌త్యం పలికాడ‌ని సెటైర్ వేస్తూ వ‌ర్మ త‌న ఫేస్‌బుక్ ఖాతాలో  ఓ వీడియో పోస్ట్ చేశాడు. రాష్ట్ర విభ‌జ‌న జ‌రిగిన స‌మ‌యంలో తాను ఏకంగా 11 రోజులు అన్నం తిన‌డం మానేశాన‌ని గ‌తంలో జ‌రిగిన ఓ స‌భ‌లో ప‌వ‌న్ చెప్పారు. ప‌వ‌న్ చెప్పిన ఆ ఒక్క డైలాగ్ కు అనేక సినిమాల‌లో హీరోలు, క‌మెడియ‌న్ల డైలాగులు, ఎక్స్ ప్రెష‌న్ల సీన్ల‌ను జ‌త‌చేస్తూ ఓ వీడియోను వ‌ర్మ  పోస్ట్ చేశాడు. ఇది స‌త్యాన్ని అప‌విత్రం చేయ‌డ‌మేన‌ని, ఇది విన్న వారి రియాక్ష‌న్ ఇలా ఉంద‌ని చెబుతూ కామెంట్ చేశాడు. ప్ర‌స్తుతం ఆ వీడియో సోష‌ల్ మీడియాలో వైర‌ల్ అవుతోంది. వ‌ర్మ పోస్ట్ పై నెటిజ‌న్లు ర‌క‌ర‌కాల కామెంట్లు పెడుతున్నారు.

Full View