బెస్ట్ అండ్ వరస్ట్ విమానయాన సంస్థలివే!

ప్రపంచంలోని ఏ విమానాల్లో బెస్ట్ సర్వీసులుంటాయి.. ఏ విమానాల సమయపాలన కచ్చితంగా ఉంటుంది.. అనే విషయం విమానాల్లో ప్రయాణించేవారు కచ్చితంగా తెలుసుకునే విషయం! మంచి మంచి కేబిన్లు - బెస్ట్ సర్వీసులు - టైం కరెక్ట్ గా మెయింటైన్ చేసే విమానాలకే ప్రయాణికులు ప్రథమ ప్రాధాన్యత ఇస్తుంటారు. అయితే ఈ విషయంలో తాజాగా మరోసారి విమాన సంస్థలకు ర్యాంకులు ఇచ్చింది ఫ్లైట్ స్టాట్స్ అనే సంస్థ.

ప్రతీఏటా సర్వీసులు - సమయపాలన మొదలైన విషయాలను పరిగణలోకి తీసుకున్న ఫ్లైట్ స్టాట్స్ అనే సంస్థ ప్రపంచవ్యాప్తంగా ఉన్న అంతర్జాతీయ విమాన సంస్థలకు తాజాగా ప్రకటించిన ర్యాంకులు ఎయిరిండియాకు షాకిచ్చాయి. ఏడాది మొత్తం మీద విమాన సర్వీసులు ఎన్నిసార్లు ఆలస్యం అయ్యాయి, మరెన్ని సార్లు రద్దయ్యాయి, ఆయా విమానాల లోపల సర్వీసులు ఏ విదంగా ఉన్నాయి అనే వివిధ అంశాల ఆధారంగా ప్రకటించబడిన ఈ ర్యాంకుల్లో వరస్ట్ విమానయాన సంస్థల విభాగంలో మన ఎయిర్ ఇండియాకు టాప్ మూడో ర్యాంక్ వచ్చింది. ఇదే క్రమంలో బెస్ట్ సర్వీస్ విమానయాన సంస్థల్లో డచ్ ఎయిర్ లైన్స్ సంస్థ "కె.ఎల్.ఎం" కి ప్రథమ స్థానం దక్కగా - వరస్ట్ విమానయాన సంస్థల్లో ఇజ్రాయేల్ కు చెందిన "ఈఐ ఏఐ" విమాన సంస్థకు ప్రథమ స్థానం దక్కింది.

Like Us on Facebook : https://www.facebook.com/Tupakidotcom/