బ్రేకింగ్: తెలంగాణలో మరో ఎమ్మెల్యేకి కరోనా

తెలంగాణలో కరోనా కోరలు చాస్తోంది. ప్రజల నుంచి ప్రజాప్రతినిధుల వరకు ఎవ్వరినీ వదలడం లేదు. ఇటీవలే జనగాం ఎమ్మెల్యే ముత్తిరెడ్డి యాదగిరి రెడ్డి కరోనా వైరస్ బారినపడడంతో ఓ ప్రైవేట్ ఆస్పత్రిలో చికిత్స పొందుతున్నారు. తాజాగా మరో తెలంగాణ ఎమ్మెల్యేకి కూడా కరోనా సోకడం కలకలం రేపుతోంది.

నిజామాబాద్ రూరల్ ఎమ్మెల్యే బాజిరెడ్డి గోవర్దన్ రెడ్డికి కరోనా పాజిటివ్ సోకడంతో ఆయన చికిత్స నిమిత్తం హైదరాబాద్ బయలుదేరారు.

కాగా ఎమ్మెల్యే ముత్తిరెడ్డితో వారం కిందటే బాజిరెడ్డి కలిసినట్టు సమాచారం. అంతేకాకుండా మూడు రోజుల నుంచి బాజిరెడ్డికి దగ్గు, జ్వరంతో బాధపడుతున్నారు. దీంతో నిన్న బాజిరెడ్డి గోవర్ధన్ రెడ్డితోపాటు ఆయనకు భార్యకు కరోనా పరీక్షలు నిర్వహించారు.

ఈ పరీక్షల్లో బాజిరెడ్డికి కరోనా పాజిటివ్ రాగా.. భార్యకు నెగెటివ్ వచ్చింది. ఈ క్రమంలోనే బాజిరెడ్డిని హైదరాబాద్ తరలించారు. బాజిరెడ్డి కుటుంబ సభ్యులను హోం క్వారంటైన్ లో ఉంచారు. తెలంగాణలో మరో ఎమ్మెల్యేకి కరోనా సోకడం కలకలం రేపింది.