కేటీఆర్ కు సినిమా ఛాన్స్.. ఎవరిచ్చారంటే?

తెలంగాణ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ రాజకీయాల్లో, ప్రభుత్వంలో కీలక పాత్ర పోషించడమే కాదు.. ప్రజలకు చేరువగా ఉంటారని పేరుంది. సోషల్ మీడియాలో యాక్టివ్ గా ఉండే కేటీఆర్ ఈ ఆదివారం సెలవు రోజు కావడం తో కాస్తంత వీలు చూసుకొని నెటిజన్లతో చిట్ చాట్ నిర్వహించారు. వారి ప్రశ్నలకు ఆసక్తి కరంగా సమాధానమిచ్చారు.

తాజాగా ఓ నెటిజన్ అడిగిన వింతైన ప్రశ్నకు కేటీఆర్ ఆసక్తికర సమాధానం ఇచ్చారు. ‘ఒకవేళ సినిమాల్లో నటించే అవకాశం వస్తే ఎలాంటి సినిమాల్లో నటిస్తారు.. మీరు సినిమాల్లో నటించాలంటే సినిమా అవకాశం ఇస్తామని’ ఓ నెటిజన్ కేటీఆర్ ను సూటిగా ప్రశ్నించారు..

దీనికి స్పందించిన కేటీఆర్ అంతే జోష్ తో సమాధానం ఇచ్చారు. ‘తనకు ఫుల్ టైమ్ జాబ్ ఉందని.. తనకు అంత సమయం లేదు’ అంటూ నెటిజన్ కు సమాధానం ఇచ్చాడు.

అయితే నెటిజన్-కేటీఆర్ మధ్య సాగిన ఈ సరదా సంభాషణ తో ‘కేటీఆర్ కు సినిమా చాన్స్’ అంటూ సోషల్ మీడియా లో తెగ ట్రెండ్ అవుతోంది.