భార‌త ప్ర‌ధానిగా 2014లో న‌రేంద్ర మోదీ బాధ్య‌త‌లు చేప‌ట్టిన త‌ర్వాత అనేక ప్ర‌తిష్టాత్మ‌క కార్య‌క్ర‌మాల‌ను చేపట్టారు. స్వ‌చ్ఛ భార‌త్, డిజిట‌ల్ ఇండియా, స్మార్ట్ సిటీస్....ఇలా ర‌క‌రకాల మిషన్ లను చేపట్టారు. దేశంలోని 100 నగరాలను అభివృద్ధి చేయడమే ల‌క్ష్యంగా 2015 లో `స్మార్ట్ సిటీ మిషన్` ను మోడీ ప్రారంభించారు. ఆ స్మార్ట్ సిటీల‌లోని ప్రజలకు మ‌రిన్ని మెరుగైన ఉపాధి అవకాశాలు కల్పించడం, ఆ ప‌ట్ట‌ణాల‌ను అభివృద్ధి చేయ‌డం ఆ మిషన్ లక్ష్యం. పశ్చిమ బెంగాల్ త‌ప్ప దేశంలోని అన్ని రాష్ట్రాలు, కేంద్రపాలిత ప్రాంతాలు ఈ మిషన్ లో భాగ‌స్వాముల‌య్యాయి. 2022 నాటికి స్మార్ట్ సిటీ ప్రాజెక్ట్ ను పూర్తి చేసేందుకు కేంద్ర ప్ర‌భుత్వం ప్ర‌య‌త్నిస్తోంది. ఈ ప్ర‌తిష్టాత్మ‌క ప్రాజెక్టుకు కేంద్ర - రాష్ట్ర ప్రభుత్వాలు...దాదాపు రూ.500 కోట్లు ఖర్చు చేస్తున్నాయి.
మొదటి విడతలో కేంద్రం ఎంపిక చేసిన 20 నగరాల‌లో ఆంధ్ర‌ప్ర‌దేశ్ నుంచి విశాఖపట్నం - కాకినాడ‌ల‌కు చోటు ద‌క్కింది. రెండో విడతలో తెలంగాణ‌లోని వ‌రంగ‌ల్....మూడో విడతలో ఏపీలోని తిరుప‌తి......నాలుగో విడతలో తెలంగాణ‌లోని క‌రీంన‌గ‌ర్ లు స్మార్ట్ జాబితాలో స్థానం సంపాదించాడు. అయితే, కేంద్రం ప్ర‌తిష్టాత్మ‌కంగా చేప‌ట్టిన ఈ ప్రాజెక్టు వ‌ల్ల పెద్ద‌గా ఒరిగిందేమీ లేద‌ని యువ‌త అభిప్రాయ‌ప‌డుతున్నారు. పేరు గొప్ప ఊరు దిబ్బ అన్న చందంగా ఆ ప్రాజెక్టు త‌యారైంద‌ని అభిప్రాయ‌ప‌డుతున్నారు. కేవ‌లం కేంద్రం హ‌డావిడి త‌ప్ప ప్ర‌యోజ‌నం ఏమీ లేద‌ని అంటోంది. త‌మ‌కు ఉపాధి - ఉద్యోగ అవకాశాలు ద‌క్క‌లేద‌ని ఆరోపిస్తున్నారు. కేంద్రం ప్రెస్టీజియ‌స్ గా చేప‌ట్టిన ఈ ప్రాజెక్ట్ ఫెయిల్ అయింద‌ని యువ‌త అసంతృప్తి వ్య‌క్తం చేస్తున్నారు. స్మార్ట సిటీల‌కు తాము వ్య‌తిరేకం కాద‌ని, అయితే - ఉపాధి - ఉద్యోగ అవకాశాలు క‌ల్పించేలా అవి ఉన్న‌పుడే త‌మ‌కు ఉప‌యోగ‌మ‌ని యువ‌త అభిప్రాయ‌ప‌డుతున్నారు. ఇక‌నైనా కేంద్రం ఆ అంశంపై దృష్టి కేంద్రీక‌రించాల‌ని వారు కోరుతున్నారు.
మొదటి విడతలో కేంద్రం ఎంపిక చేసిన 20 నగరాల‌లో ఆంధ్ర‌ప్ర‌దేశ్ నుంచి విశాఖపట్నం - కాకినాడ‌ల‌కు చోటు ద‌క్కింది. రెండో విడతలో తెలంగాణ‌లోని వ‌రంగ‌ల్....మూడో విడతలో ఏపీలోని తిరుప‌తి......నాలుగో విడతలో తెలంగాణ‌లోని క‌రీంన‌గ‌ర్ లు స్మార్ట్ జాబితాలో స్థానం సంపాదించాడు. అయితే, కేంద్రం ప్ర‌తిష్టాత్మ‌కంగా చేప‌ట్టిన ఈ ప్రాజెక్టు వ‌ల్ల పెద్ద‌గా ఒరిగిందేమీ లేద‌ని యువ‌త అభిప్రాయ‌ప‌డుతున్నారు. పేరు గొప్ప ఊరు దిబ్బ అన్న చందంగా ఆ ప్రాజెక్టు త‌యారైంద‌ని అభిప్రాయ‌ప‌డుతున్నారు. కేవ‌లం కేంద్రం హ‌డావిడి త‌ప్ప ప్ర‌యోజ‌నం ఏమీ లేద‌ని అంటోంది. త‌మ‌కు ఉపాధి - ఉద్యోగ అవకాశాలు ద‌క్క‌లేద‌ని ఆరోపిస్తున్నారు. కేంద్రం ప్రెస్టీజియ‌స్ గా చేప‌ట్టిన ఈ ప్రాజెక్ట్ ఫెయిల్ అయింద‌ని యువ‌త అసంతృప్తి వ్య‌క్తం చేస్తున్నారు. స్మార్ట సిటీల‌కు తాము వ్య‌తిరేకం కాద‌ని, అయితే - ఉపాధి - ఉద్యోగ అవకాశాలు క‌ల్పించేలా అవి ఉన్న‌పుడే త‌మ‌కు ఉప‌యోగ‌మ‌ని యువ‌త అభిప్రాయ‌ప‌డుతున్నారు. ఇక‌నైనా కేంద్రం ఆ అంశంపై దృష్టి కేంద్రీక‌రించాల‌ని వారు కోరుతున్నారు.