ఈ వీకెండ్ లో చూడాల్సిన 4 ఇంట్రెస్టింగ్ సిరీస్ సినిమాలివే

వీకెండ్ రావడంతో హోమ్ ఆడియెన్స్ కోసం మళ్లీ ఓటీటీలోకి పలు ఆసక్తికరమైన చిత్రాలు, వెబ్ సిరీస్ లు అందుబాటులో వచ్చేశాయి. వీటిలో ఓ నాలుగు ఇంట్రెస్టింగ్ సిరీస్ లు సినిమాలు ఉన్నాయి. ఈ నేపథ్యంలో అసలు ఏఏ సినిమాలు సిరీస్ లు స్ట్రీమింగ్ అవుతున్నాయి, వాటిలో ఆసక్తికరంగా ఉన్న ఆ నాలుగేమిటి తెలుసుకుందాం..

రాజ్‌కుమార్‌ రావ్‌, దుల్కర్‌ సల్మాన్‌, ఆదర్శ్‌ గౌరవ్, గుల్షన్‌ దేవయ్య కీలక పాత్రలో తెరకెక్కిన వెబ్ సిరీస్‌ గన్స్‌ అండ్‌ గులాబ్స్‌. నెట్‌ఫ్లిక్స్‌ లో ఆగస్టు 18 నుంచి స్ట్రీమింగ్ అవుతోంది. ది ఫ్యామిలీ మ్యాన్‌, ఫర్జీ దర్శకులు రాజ్‌ నిడిమోరు, కృష్ణ డీకే దీన్ని తెరకెక్కించారు. నెట్‌ఫ్లిక్స్‌ లో ఇంకా పలు వెబ్ సిరీస్, సినిమాలు కూడా వచ్చాయి. డెపవ్ వర్సెస్ హియర్డ్, మాస్క్‌ గర్ల్ (కొరియన్‌) ఆగస్టు 18, 10 డేస్‌ ఆఫ్‌ బ్యాడ్‌మ్యాన్‌ (టర్కిష్‌) ఆగస్టు 18, ది మంకీ కింగ్‌ (ఇంగ్లీష్‌) ఆగస్టు 18 నుంచి అందుబాటులో ఉన్నాయి.

రోహిత్‌ బెహల్‌, అపర్ణ జనార్ధనన్‌ జంటగా నటించిన చిత్రం లవ్‌ యూ రామ్‌. డి.వి.చౌదరి దర్శకత్వం వహించడంతో పాటు కథని సమకూర్చారు. నిర్మాతగానూ వ్యవహరించారు. ఆహాలో ఆగస్టు 18వ తేదీన రిలీజ్ అయింది. ఆహాలో ఇంకా క్లూ (తెలుగు) ఆగస్టు 18, హిడింబ (తమిళ్‌) ఆగస్టు 18 నుంచి అందుబాటులో ఉన్నాయి.

అమెజాన్‌ ప్రైమ్‌ వీడియోలో ఏపీ థ్రిల్లాన్‌: ఫస్ట్‌ ఆఫ్‌ ఏ కైండ్‌ (హిందీ) ఆగస్టు 18, హర్లాన్‌ కోబెన్స్‌ షెల్టర్‌ (ఇంగ్లీష్‌-సిరీస్‌1) ఆగస్టు 18, అమల (మలయాళం) స్ట్రీమింగ్‌ అవుతున్నాయి. ఆర్యన్‌గౌరా, మిస్తీ చక్రవర్తి జంటగా నటించిన చిత్రం ఓ సాథియా కూడా అమెజాన్‌ ప్రైమ్‌ వీడియో వేదికగా గురువారం నుంచి స్ట్రీమింగ్‌ అవుతోంది. ఇంకా బిచ్చగాడు విజయ్ ఆంటోని హత్య సినిమా కూడా స్ట్రీమింగ్ అవుతూ రెస్పాన్స్ ను అందుకుంటోంది.

డిస్నీ+హాట్‌స్టార్‌ లో మాతంగం (తమిళ్‌) ఆగస్టు 18, సోనీలివ్‌ లో అయిరతోన్ను నునక్కళ్‌ (మలయళం) ఆగస్టు 18, జియో సినిమాలో షజమ్‌: ఫ్యూరీ ఆఫ్ ది గాడ్స్‌ (తెలుగు) స్ట్రీమింగ్‌ అవుతున్నాయి. మొత్తంగా వీటన్నింటిలో దుల్కర్ సల్మాన్ 'గన్స్ అండ్ గులాబ్స్', 'అన్నపూర్ణ స్డూడియో', నెట్ ఫ్లిక్స్ ఒరిజినల్ డాక్యూ సిరీస్ 'డెప్ వర్సెస్ హియర్డ్', విజయ్ ఆంథోనీ 'హత్య' మంచి ఇంట్రెస్టింగ్ గా ఉన్నాయి.