ట్రైలర్ టాక్: నిత్యా మేనన్ నుంచి మరొక మాస్టర్‌పీస్‌
ఓ వైపు సినిమాలు, మరోవైపు వెబ్‌సిరీస్‌లతో బిజీ గడుపుతున్న హీరోయిన్‌ నిత్యా మేనన్.
ఓ వైపు సినిమాలు, మరోవైపు వెబ్‌సిరీస్‌లతో బిజీ గడుపుతున్న హీరోయిన్‌ నిత్యా మేనన్. ఆమె నటించిన కుమారి శ్రీమతి వెబ్‌సిరీస్‌ రీసెంట్గా ఓటీటీ అమెజాన్‌ ప్రైమ్‌ వీడియోలో విడుదలై ప్రేక్షకులను ఆకట్టుకుంటోంది. ఇప్పుడామె మరో సిరీస్‌తో ఆడియెన్స్ ముందు సందడి చేసేందుకు రెడీ అయింది. అదే.. మాస్టర్‌పీస్‌.
తాజాగా దీని ట్రైలర్ను విడుదల చేశారు మేకర్స్. మొగుడు పెళ్లాం గొడవలు, అత్తగారితో వాదనలు... ఫైనల్గా కుటుంబ నేపథ్యంలో ఆద్యంతం నవ్వులు పంచేలా ఈ సిరీస్ను రూపొందించినట్లు ట్రైలర్ చూస్తే అర్థమవుతోంది. నిత్యా మేనన్.. రియా అనే ఓ పాత్రలో కనిపించింది. శ్రీజిత్‌ ఈ సిరీస్కు దర్శకత్వం వహించారు.
ఇంకా ఈ సిరీస్‌లో నిత్యా మేనన్తో పాటు షరాఫ్‌, రెంజి పనికర్‌, అశోకన్‌, మాలా పార్వతి, శాంతి కృష్ణ తదితరులు ఇతర కీలక పాత్రల్లో నటించారు. డిస్నీ+హాట్‌స్టార్‌లో అక్టోబరు 25 నుంచి ఈ సిరీస్ స్ట్రీమింగ్‌ కానుంది. అందుకే ఈ ట్రైలర్ను రిలీజ్ చేశారు. ఫన్ ఫ్యామిలీ ఎంటర్టైనర్తో రూపొందించిన ఈ సిరీస్ను మలయాళంతో పాటు తెలుగు, తమిళం, కన్నడ, హిందీ, బెంగాలీ, మరాఠీ భాషల్లో స్ట్రీమింగ్‌ అవుతుందని సదరు ఓటీటీ సంస్థ పేర్కొంది. మొత్తంగా ఐదు ఎపిసోడ్లు.. ఒక్కొక్క ఎపిసోడ్ 30 -35 నిమిషాలు ఉండనుందట.
కాగా, కుమారి శ్రీమతి, మాస్టర్‌ పీస్‌ కన్నా ముందు నిత్యా మేనన్ బ్రీత్‌, మోడ్రన్‌ లవ్ సిరీస్‌ల్లో నటించారు.
తెలుగులో భీమ్లానాయ‌క్ త‌ర్వాత కాస్త బ్రేక్ ఇచ్చి.. తమిళ, మలయాళ చిత్రాలపై ఆమె ఎక్కువ‌గా ఫోకస్ పెట్టారు. గ‌త ఏడాది తిరుచిత్రాంబ‌ళం చిత్రంతో హిట్ అందుకున్న ఆమె.. ప్రస్తుతం ధనుష్ 50వ చిత్రంతో పాటు ఓ మలయాళ చిత్రంలో నటిస్తున్నారు.
ఇకపోతే ఇలా వరుస ఛాన్స్లతో కెరీర్లో బిజీగా ఉన్న నిత్య మేనన్ విషయంలో రీసెంట్గా కొద్ది రోజుల క్రితం ఓ వార్త వైరల్ అయిన సంగతి తెలిసిందే. ఓ తమిళ హీరో ఆమెను వేధించాడంటూ వార్తలు రాగా.. ఆమె ఈ రూమర్స్ను తీవ్రంగా ఖండించారు.