ఉయ్యాలో ఉయ్యాల.. భగవంత్ కేసరి అంచనాలు పెంచింది

నందమూరి బాలకృష్ణ హీరోగా కాజల్ అగర్వాల్‌ హీరోయిన్ గా నటించిన భగవంత్ కేసరి సినిమా నుంచి ఇప్పటికే గణేష్ ఆంథమ్‌ వచ్చి అంచనాలు పెంచిన విషయం తెల్సిందే. తాజాగా సినిమా నుండి రెండో పాటగా ఉయ్యాలో ఉయ్యాల విడుదల అయింది. బాలయ్య ఒక చిన్న పాపని ఆడిస్తూ, ఆ పాప ఆలనా పాలనా చూస్తూ ఉన్న ఈ పాటకి థమన్ చక్కని మెలోడీ ట్యూన్ ని అందించాడు.

భగవంత్‌ కేసరికి మరియు ఆ పాపకి మధ్య ఉండే అనుబంధంను ఈ పాటలో చక్కగా చూపించారు. పాప ని పాటలోనే పెద్ద అమ్మాయిగా చూపించడం, ఆ పాప శ్రీలీల అవ్వడం వంటివి చూపించడంతో అసలు బాలయ్య కి ఆ పాపకి మధ్య ఉండే రిలేషన్ ఏమై ఉంటుందా అంటూ అంతా ఆసక్తిగా సినిమా కోసం ఎదురు చూస్తున్నారు. బాలయ్య మరియు ఆ పాప వేసిన స్టెప్పులు కూడా ఆకట్టుకునే విధంగా ఉన్నాయి.

అనిల్ రావిపూడి సినిమాల్లో పాటలకు పెద్దగా ప్రాముఖ్యత ఉండదు అనే అభిప్రాయం ను కొందరు కలిగి ఉంటారు. వారి అభిప్రాయం తప్పు అని నిరూపించే విధంగా ఇప్పటికే విడుదల అయిన మొదటి పాట మంచి విజయాన్ని సొంతం చేసుకుంది. ఇక రెండో పాటగా వచ్చిన ఉయ్యాలో ఉయ్యాల పాట కూడా ఆకట్టుకుని సినిమా పై అంచనాలు పెంచింది.

థమన్ సంగీతం అందించిన ఉయ్యాలో ఉయ్యాల పాట సినిమా కి మంచి బజ్ క్రియేట్‌ చేసే విధంగా ఉంది. పాటలో బతుకమ్మ అంటూ తెలంగాణ నేపథ్యం ను కూడా చెప్పే ప్రయత్నం చేశారు. మొత్తానికి పాటతో సినిమా పై అంచనాలు, ఆసక్తి పెంచారు అనడంలో సందేహం లేదు. ఈ సినిమా కి థమన్ శ్రద్ద ఎక్కువ పెట్టి ట్యూన్స్ అందించినట్లుగా పాటలు విన్న శ్రోతలు అభిప్రాయం వ్యక్తం చేస్తున్నారు. ఇక బ్యాక్ గ్రౌండ్‌ స్కోర్ తో థమన్ మళ్లీ స్పీకర్ లు బద్దలు కొట్టడం ఖాయంగా కనిపిస్తోంది.