'బేబీ' ఓవర్సీస్​.. అక్కడ కూడా దున్నేస్తోందిగా..

బాక్సాఫీస్‌ వద్ద కల్ట్ లవ్ స్టోరీ 'బేబీ' కలెక్షన్ల ఊచకోత కొనసాగుతోంది. చిన్న సినిమాగా రిలీజైన ఈ ఫీల్‌గుడ్‌ ఎంటర్‌టైనర్‌కు యూత్ ​తో పాటు సగటు సినీ ప్రేక్షకులు కూడా బ్రహ్మరథం పడుతున్నారు. విడుదలై పది రోజులు అవుతున్నా థియేటర్లు హౌస్‌ఫుల్‌ బోర్డులతో కళకళలాడుతున్నాయి.

బాక్సాఫీస్ వద్ద రెండో వారంలోనూ మంచి రికార్డును నమోదు చేస్తోంది. మొదటి వారంలో ఊహించని వసూళ్లను అందుకున్న ఈ చిత్రం రెండో వారంలోనూ దాదాపుగా అదే స్థాయిలో అందుకుంటోంది. మరీ ముఖ్యంగా ఓవర్సీస్​ లోనూ ఆశించిన స్థాయి కన్నా ఎక్కువగా దూసుకెళ్తోంది. ఈ క్రమంలోనే వసూళ్ల విషయంలో ఓ సూపర్ మార్క్ ​ను కూడా అందుకుంది.

ఓవర్సీస్ ​లో మొదట కొన్ని రోజులు కాస్త స్లోగా నడించింది. కానీ క్రమక్రమంగా మౌత్​ టాక్​తో అక్కడి థియేటర్లు కూడా హౌస్​ ఫుల్​ బోర్డులతో నిండిపోతున్నాయి. సినిమా సూపర్ హిట్​ టాక్​తో దూసుకుపోతోంది. నార్త్​ అమెరికాలో ఈ చిత్రం బ్రేక్ ఈవెన్ టార్గెట్​ 400K డాలర్స్​. అయితే ఈ బ్రేక్​ ఈవెన్​ టార్గెను దాటేసి సినిమా మరిన్ని కలెక్షన్లను వసూలు చేసే దిశగా దూసుకెళ్తోంది. ఇప్పటివరకు 538K డాలర్స్ ​ను కలెక్ట్ చేసింది.

అక్కడ ఈ సినిమాను ఫ్లై హై సినిమాస్​ వాళ్లు రిలీజ్ చేశారు. ఇప్పుడు వారికి ఈ చిత్రంతో పంట పండిండి అన్నట్టుగా భారీ లాభాలను అందుకుంటున్నారు. నార్త్​ అమెరికాలో మొదటి వారం ఈ చిత్రం 348K డాలర్లను అందుకుంది. ఆ తర్వాత కాస్త స్లో అయింది. కానీ మళ్లీ జోరందుకుని రెండో వారంలో మరో 190K డాలర్లను వసూలు చేసింది. మొత్తంగా ఓవర్సీస్ ​లోని అన్ని సెంటర్స్​ లో బ్లాక్​ బాస్టర్​ హిట్​తో దూసుకెళ్తోంది.

అలాగే తెలుగులోనూ మంచి వసూళ్లను అందుకుంది. ఈ చిత్రం మొత్తంగా 10 రోజుల్లో 66.6 కోట్ల గ్రాస్‌ వసూళ్లను అందుకుందంటూ ఇటీవలే మూవీటీమ్​ ప్రకటించింది. తెలుగు రాష్ట్రాల్లోని అన్ని థియేటర్స్​లో ఏ,బీ,సీ అన్నీ సెంటర్స్​లో సినిమా ఇంకా దూసుకెళ్తోంది. ఏ సెంటర్​తో పోలిస్తే బీ, సీ సెంటర్స్​ లో ప్రేక్షకుల్లో భారీ స్థాయిలో తరలివస్తున్నారు. ఇకపోతే ఈ చిత్రంలో ఆనంద్​ దేవరకొండ-వైష్ణవి చైతన్య కలిసి నటించారు. చిత్రానికి 'హృదయ కాలేయం', 'కొబ్బరి మట్ట' ఫేమ్​ సాయి రాజేష్ నీలం దర్శకత్వం వహించారు. శ్రీనివాస కుమార్ నాయుడు నిర్మించారు.