ఓవర్సీస్​లో బాలయ్య సెన్సేషన్.. మెగాస్టార్ రికార్డ్ బ్రేక్​!

ప్రస్తుతం వరుస హిట్లతో కెరీర్‌లో భీకరమైన ఫామ్‌తో దూసుకుపోతోన్నారు నటసింహాం నందమూరి బాలకృష్ణ. ప్రస్తుతం ఆయన నటించిన 'భగవంత్ కేసరి' ఆరంభం నుంచే అదిరిపోయే రెస్పాన్స్​తో బాక్సాఫీస్​ ముందు కాసుల వర్షం కురిపిస్తోంది. దసరా సెలవులు కావడం వల్ల ఈ చిత్ర వసూళ్లు పెరుగుతూనే ఉన్నాయి. ఈ నేపథ్యంలో ఓవర్సీస్​లో మెగాస్టార్ చిరంజీవి దాటేసి ఓ అదిరిపోయే రికార్డ్​ను ఖాతాలో వేసుకున్నారు.

వివరాళ్లోకి వెళితే.. బాలయ్య భగవంత్ కేసరి.. ఓవర్సీస్ మంచి హోల్డ్​తో బాక్సాఫీస్​ ముందు జోరు కొనసాగిస్తోంది. ఈ క్రమంలోనే అమెరికాలో 1 మిలియన్ మార్క్​ను దాటేసింది. 1 మిలియన్ మార్క్​ను క్రాస్ చేయడం వల్ల టాలీవుడ్ సీనియర్ హీరోలలో బాలయ్య ఓ సరికొత్త రికార్డ్​ను నమోదు చేశారు. అమెరికాలో హాట్రిక్ 1 మిలియన్ మార్క్​ను అందుకున్న హీరోగా నిలిచారు.

బాలయ్య నటించిన బ్లాక్ బాస్టర్స్​ అఖండ, వీర సింహా రెడ్డి సినిమాలు 1 మిలియన్ మార్క్​ను దాటేయగా ఇప్పుడు భగవంత్ కేసరి సినిమాతో హాట్రిక్ 1 మిలియన్ మార్క్​ను సొంతం చేసుకుని అదిరిపోయే రికార్డ్​ క్రియేట్ చేశారు. సీనియర్ హీరోల్లో మెగాస్టార్ చిరంజీవి నటించిన 2 సినిమాలు వరుసగా 1 మిలియన్ మార్క్​ను అందుకున్నా హాట్రిక్​ను పూర్తి చేసుకోలేదు. కానీ ఇప్పుడు బాలయ్య మాత్రం బ్యాక్​ టు బ్యాక్​ చిత్రాలతో హాట్రిక్​ను కంప్లీట్ చేసుకున్నారు.

ఇకపోతే ఈ 'భగవంత్ కేసరి' 4 రోజుల్లో ఎన్ని కోట్లు వసూలు చేసిందో వివరాలు కూడా వచ్చాయి. ఈ చిత్రానికి నాలుగో రోజు అన్ని ఏరియాల్లోనూ మంచి స్పందన వచ్చింది. ముఖ్యంగా తెలుగు రాష్ట్రాల్లో రూ. 5.50 కోట్ల వరకు షేర్‌, ప్రపంచ వ్యాప్తంగా రూ. 6.50 కోట్ల వరకు అందుకుందని అంటున్నారు.

ఇండియా వైడ్​గా.. తొలి మూడు రోజుల్లో రూ.16.6 కోట్లు, రూ.7కోట్లు, రూ.7.80కోట్ల నెట్​ వసూళ్లు అందుకోగా.. నాలుగో రోజు రూ. 8 కోట్ల నెట్ కలెక్షన్స్​ అందుకుందని ట్రైడ్ వర్గాలు తెలిపాయి. అంటే మొత్తంగా నాలుగు రోజుల్లో కలిపి రూ.39.40కోట్ల నెట్ వచ్చాయన్న మాట.