ప్రభాస్ ప్రాజెక్ట్-K 9 పార్టులా?
అయితే టాలీవుడ్ లో ప్రెజంట్ నడుస్తున్న 2 పార్ట్స్ ట్రెండ్ ను ఈ మూవీ ఫాలో అవుతుందో లేదో ఇప్పటి వరకు క్లారిటీ లేదు.
సలార్ మూవీతో బ్లాక్ బస్టర్ హిట్ అందుకున్న పాన్ ఇండియా స్టార్ ప్రభాస్.. ప్రస్తుతం కల్కి 2898 ఏడీ మూవీ చేస్తున్న విషయం తెలిసిందే. సైన్స్ ఫిక్షన్ డిస్టోపియన్ జోనర్ తో తెరకెక్కుతున్న ఈ సినిమాను నాగ్ అశ్విన్ భారీ బడ్జెట్ తో తెరకెక్కిస్తున్నారు. అమితాబ్ బచ్చన్, దీపికా పదుకొణె, దిశా పటానీ, కమల్ హాసన్ తదితరులు కీలక పాత్రల్లో నటిస్తున్న ఈ పాన్ ఇండియా మూవీపై హైప్ వేరే లెవల్ లో ఉంది.
ప్రముఖ నిర్మాణ సంస్థ వైజయంతి మూవీస్.. రూపొందిస్తున్న ఈ భారీ ప్రాజెక్ట్ నుంచి ఇప్పటికే వచ్చిన అప్డేట్లు సినిమాను కచ్చితంగా చూడాల్సిందేనన్న హైప్ క్రియేట్ చేశాయి. అయితే టాలీవుడ్ లో ప్రెజంట్ నడుస్తున్న 2 పార్ట్స్ ట్రెండ్ ను ఈ మూవీ ఫాలో అవుతుందో లేదో ఇప్పటి వరకు క్లారిటీ లేదు. కానీ నెట్టింట మాత్రం రకరకాల వార్తలు చక్కర్లు కొడుతున్నాయి. అయితే సెకండ్ పార్ట్ కు లీడ్ ఇస్తూ.. ఫస్ట్ భాగం ముగుస్తుందని అంటున్నారు.
ఇప్పుడు నెట్టింట మరో వార్త చక్కర్లు కొడుతోంది. కల్కి మూవీ తొమ్మిది పార్టులుగా రానున్నట్లు వార్తలు వినిపిస్తున్నాయి. ప్రస్తుతం సినీ ఇండస్ట్రీలో నడుస్తున్న సినిమాటిక్ యూనివర్స్ ట్రెండ్ ను కల్కి మూవీ కూడా ఫాలో కాబోతోందని అంటున్నారు. ఇప్పుడు ఈ టాక్ రావడానికి కారణం.. ఓ కమెడియన్ చేసిన వ్యాఖ్యలే. టాలీవుడ్ కమెడియన్ అభినవ్ గోమఠం.. కల్కి మూవీ తొమ్మిది పార్టులుగా రానుందని, తాను ఎక్కడో విన్నానని ఓ ఇంటర్వ్యూలో చెప్పారు.
అభినవ్ గోమఠం.. మస్తు షేడ్స్ ఉన్నాయ్ రా మూవీతో హీరోగా పరిచయమయ్యారు. ఈ నేపథ్యంలో ఇటీవల యాక్టర్ అలీ రెజాతో కలిపి ఓ ఇంటర్వ్యూ ఇచ్చారు. "నేను ప్రభాస్ కల్కి మూవీ కోసం ఎదురుచూస్తున్నా. ఈ మధ్య ఎక్కడో విన్నా... కల్కి తొమ్మిది పార్టులుగా రాబోతుందని విన్నా.. అది కరెక్టో లేదో నాకు తెలియదు. ఓ యూనివర్స్ లా తయారు చేస్తున్నారట మేకర్స్. ప్రభాస్ కు పెద్ద ఫ్యాన్. ఆయన కటౌట్ కు వాల్యూ కట్టలేం. ప్రభాస్ ను కలవాలని ఉంది" అని అభినవ్ తెలిపారు.
ప్రభాస్- అనుష్క కాంబోలో మరో లవ్ ఎంటర్టైనర్ రావాలని కోరుకుంటున్నట్లు అలీ రెజా ఈ ఇంటర్వ్యూలో తెలిపారు. ప్రభాస్, తాను ఒకే ఏరియాలో ఉండేవాళ్లమని చెప్పారు. సినిమాల్లోకి రాకముందు ప్రభాస్ ను చాలా సార్లు చూశానని, హోటల్ కౌంటర్ లో ఉన్నప్పుడు వచ్చేవారని చెప్పారు. ఇటీవల ప్రభాస్ సినిమాలో ఓ రోల్ చేశానని, త్వరలోనే రిలీజ్ అవుతుందని అన్నారు. అది రాజా సాబ్ మూవీ అని తెలుస్తోంది.
ఇక కల్కి మూవీకి సంతోష్ నారాయణ్ సంగీతాన్ని అందిస్తున్నారు. వేసవి కానుకగా మే 9వ తేదీన ప్రపంచవ్యాప్తంగా అనేక భాషల్లో ఈ సినిమా రిలీజ్ చేయనున్నట్లు మేకర్స్ ఇదివరకే ప్రకటించారు. ఇప్పటికే రిలీజైన ప్రమోషనల్ కంటెంట్ తో నాగ్ అశ్విన్.. ఆడియన్స్ ను ఓ నయా వరల్డ్ లోకి తీసుకెళ్తారని తెలుస్తోంది. మరి ఈ మూవీ ఎలాంటి రికార్డులు సృష్టిస్తుందో చూడాలి.