బాల‌య్య‌ని చూసి బాలీవుడ్ నేర్చుకోవాలి!
పాయ‌ల్ ఘోష్ కొన్నాళ్ల గా బాలీవుడ్ పై తీవ్ర ఆరోప‌ణ‌ల‌తో మండిప‌డుతోన్న సంగతి తెలిసిందే.
పాయ‌ల్ ఘోష్ కొన్నాళ్ల గా బాలీవుడ్ పై తీవ్ర ఆరోప‌ణ‌ల‌తో మండిప‌డుతోన్న సంగతి తెలిసిందే. లైంగిక వేధింపుల నుంచి మొద‌లైన పాయ‌ల్ దాడి అప్ప‌టి నుంచి ఏదో విష‌యంపై బాలీవుడ్ ని విమ‌ర్శిస్తుంది. సోష‌ల్ మీడియా వేదిక‌గా పోస్ట్ చేసే ప్ర‌తీ అందే తీరున హైలైట్ అవుతుంది. తాజాగా న‌ట‌సింహ బాల‌కృష్ణ ని చూసి బాలీవుడ్ న‌టులు నేర్చుకోవాల్సింది ఎంతో ఉంది అంటూ కామెంట్ చేసింది.
బాల‌కృష్ణ గారు ఈ వ‌య‌సులోనూ సూప‌ర్ హిట్ సినిమాలు తీస్తున్నారు. ఆయ‌న్ని చూసి మిగ‌తా వాళ్లు నేర్చుకోవాలి అంటూ న‌ర్మ‌గ‌ర్భంగా అభిప్రాయ‌పడింది. ప్ర‌స్తుతం ఈ ఈ వ్యాఖ్య‌లు నెట్టింట స‌హా బాలీవుడ్ లో హాట్ టాపిక్ గా మారాయి. ఇప్ప‌టికిప్పుడు పాయ‌ల్ ఇలా స్పందిచ‌డానికి కార‌ణం ఏంటో? అంటూ నెటి జ‌నులు ప్ర‌శ్నిస్తున్నారు. ఇక బాల‌య్య ఇటీవ‌ల కాలంలో వరుసగా విజ‌యాల‌తో దూసుకుపోతున్న సంగతి తెలిసిందే.
రీసెంట్ `భగ‌వంత్ కేస‌రి`తో మ‌రో బ్లాక్ బ‌స్ట‌ర్ ఖాతాలో వేసుకున్నారు. ఈసినిమాతో బాల‌య్య‌తో పాటు అంద‌రికీ మంచి పేరొచ్చింది. అంత‌కు ముందు వీర‌సింహారెడ్డి తో భారీ విజ‌యాన్ని ద‌క్కించుకున్నారు. ఈ రెండింటికంటే ముందు `అఖండ`తో బాక్సాఫీస్ ని మోత మ్రోగించారు. ఈ సినిమాపై బాలీవుడ్ లో సైతం చ‌ర్చ‌లు జ‌రిగాయి. హిందీ ఆడియ‌న్స్ ని సైతం చిత్రాన్ని బుల్లి తెర‌పై వీక్షించి అభిమానం కురిపించారు.
అక్క‌డ ఆడియ‌న్స్ కి ఈ సినిమా ఎంత‌గానో క‌నెక్ట్ అయింది. అఖండ వ‌ర‌కూ బాల‌య్య న‌టించిన ఏ సినిమా బాలీవుడ్ లో చ‌ర్చ జ‌ర‌గ‌లేదు. తొలిసారి `అఖండ`తో అక్క‌డా బాలీయ్య పేరు మారుమ్రోగింది. ఇలా న‌ట‌సింహం వరుసగా నాలుగు విజ‌యాల‌తో డ‌బుల్ హ్యాట్రిక్ కి చేరువ‌లో ఉన్నారు. మ‌రో రెండు సినిమాలు విజ‌యం సాధిస్తే ఆ రికార్డు బాల‌య్య ఖాతాలో న‌మోద‌వుతుంది. వీట‌న్నింటిని విశ్లేషించే పాయ‌ల్ ఘోష్ బాల‌య్య‌పై అలాంటి వ్యాఖ్య‌లు చేసిన‌ట్లు తెలుస్తుంది.