ఆమెపై రక్షిత్ కామెంట్.. ఇది అసలు ఊహించలేదే..!

కన్నడ హీరో రక్షిత్ శెట్టి నటించిన సప్త సాగరాలు దాటి సినిమా రీసెంట్ గా తెలుగులో రిలీజైంది. శాండల్ వుడ్ లో సూపర్ హిట్టైన ఈ సినిమా తెలుగులో కూడా మంచి టాక్ తెచ్చుకుంది. ఈ సినిమా ప్రమోషన్స్ అయితే ఒక రేంజ్ లో చేశారు చిత్రయూనిట్. స్ట్రైట్ తెలుగు సినిమాకు కూడా ఈ విధమైన ప్రమోషన్స్ చేసి ఉండరనుకునేలా ప్రమోషనల్ ఇంటర్వ్యూస్ చేశారు. అయితే అన్ని ఇంట్ర్వ్యూస్ లో ఒక కామన్ ప్రశ్న రక్షిత్ శెట్టిని అడిగారు. దానికి రక్షిత్ పెద్ద కాంప్లికేటెడ్ ఆన్సర్ ఇవ్వకుండా క్యాజువల్ గానే చెప్పాడు.

ఇంతకీ రక్షిత్ ని అడిగిన ప్రశ్న ఏంటి అంటే రష్మిక తో మాటలు ఉన్నాయా.. మీరు టచ్ లో ఉన్నారా అని. దానికి రక్షిత్ శెట్టి రష్మికతో మాట్లాడుతూనే ఉన్నానని ఇప్పటికీ తనకు మెసేజ్ చేస్తానని అన్నారు. నా సినిమా రిలీజ్ టైం లో తను.. తన సినిమా రిలీజ్ టైం లో నేను మెసేజ్ చేస్తామని అన్నారు రక్షిత్ శెట్టి. రిషబ్ శెట్టి మీరు రష్మిక మంచి స్నేహితులు కదా అని అడిగితే అవును అయితే రిషబ్ గురించి తెలియదు కానీ నేను మాత్రం రష్మికతో టచ్ లోనే ఉన్నానని చెప్పారు రక్షిత్ శెట్టి.

కెరీర్ విషయంలో ఆమె ఎన్నో కలలు కన్నది. వాటిని నిజం చేసుకుంటూ వెళ్తుంది. ఆమె ఈ స్థాయిలో ఉన్నందుకు సంతోషంగా ఉందని అన్నారు. ఇక ఇదే క్రమంలో పెళ్లి పై ప్రస్తుతం ఆలోచన లేదని ఫోకస్ అంతా కూడా కెరీర్ మీదే ఉందని అన్నారు రక్షిత్ శెట్టి. 7 ఏళ్ల క్రితం రిలీజైన కిర్రిక్ పార్టీ సినిమాలో రక్షిత్ శెట్టి రష్మిక కలిసి నటించారు. ఆ సినిమా టైం లోనే రక్షిత్ రష్మిక ప్రేమలో పడ్డారు. ఇద్దరికి ఎంగేజ్మెంట్ కూడా జరిగింది. కానీ ఆ తర్వాత వారు పెళ్లి చేసుకోకుండా విడిపోయారు.

కన్నడలో కొత్త ప్రయోగాలు చేస్తూ ప్రేక్షకులను అలరిస్తున్న రక్షిత్ శెట్టి తన ప్రతి సినిమాతో తెలుగు ఆడియన్స్ ని మెప్పిస్తున్నాడు. సప్త సాగరాలు దాటి సైడ్ A తెలుగులో అందుకుంటున్న రెస్పాన్స్ చూసి సప్త సాగరాలు దాటి సైడ్ B ని కన్నడ వర్షన్ తో ఈక్వల్ గా ఇక్కడ రిలీజ్ చేయాలని అనుకుంటున్నారు. సప్త సాగరాలు దాటి సినిమాను తెలుగులో పీపుల్ మీడియా ఫ్యాక్టరీ రిలీజ్ చేశారు.