సూర్య‌తో శంక‌ర్ డాట‌ర్ రొమాన్స్!

స్టార్ డైరెక్ట‌ర్ శంక‌ర్ కుమార్తె అదితి కోలీవుడ్ లో ఒంట‌రిపోరాటం చేస్తోన్న సంగ‌తి తెలిసిందే. దేశం గ‌ర్వించ ద‌గ్గ ద‌ర్శ‌కుడు వెనుక ఉన్నా! ఆయ‌న స‌హ‌కారం తీసుకోకుండా ఇండ‌స్ట్రీలో సొంతంగా ఎదిగే ప్ర‌య‌త్నం చేస్తోంది. ఇప్ప‌టికే న‌టిగా త‌న‌కంటూ ప్ర‌త్యేక‌మైన గుర్తింపును ద‌క్కించుకుంది. రెండు..మూడు సినిమాలు చేసిన అమ్మ‌డు క్రేజీ భామ‌గా పాపుల‌ర్ అవుతుంది. తెలుగులోనూ అవ‌కాశాల కోసం ప్ర‌య‌త్నాలు మొద‌లు పెట్టింది. స‌రైన అవ‌కాశం వ‌స్తే న‌టించాల‌ని వెయిట్ చేస్తోంది.

ఈ క్ర‌మంలో అదితి కొంత టాలీవుడ్ యంగ్ హీరోల స‌ర‌స‌న న‌టిస్తుంది? అన్న ప్ర‌చారం మొద‌లైంది. ఈనేప‌థ్యంలో అమ్మ‌డి ఓ క్రేజీ ప్రాజెక్ట్ లో లాక్ అయిన‌ట్లు తెలుస్తోంది. ఇంత‌కాలం కోలీవుడ్ లో కూడా స్టార్ హీరోల‌తో ఛాన్స్ అందుకోలేదు. తొలిసారి సూర్య స‌ర‌స‌న న‌టించే ఛాన్స్ ద‌క్కించ‌కున్న‌ట్లు వినిపిస్తోంది. సూర్య క‌థానాయ‌కుడిగా సుధ కొంగ‌ర ద‌ర్శ‌క‌త్వంలో ఓ సినిమా తెర‌కెక్క‌నున్న సంగ‌తి తెలిసిందే.

ఇది సూర్య 43వ చిత్రం. ఇందులో హీరోయిన్ గా అదితి ఎంపిక చేసిన‌ట్లు కోలీవుడ్ వ‌ర్గాల స‌మాచారం. ఈ నిర్ణ‌యం సుధ కొంగ‌ర‌ అట‌. అదితి న‌టించిన కొన్ని సినిమాలు చూసి సూర్య‌కి జోడీగా...ఆ పాత్ర‌కు ప‌క్కాగా న్యాయం చేస్తుంద‌ని భావించి ఆమెని సంప్ర‌దించారుట‌. అదితి కూడా సూర్య‌తో ఛాన్స్ అనే స‌రికి మ‌రో మాట లేకుండా ఎస్ చెప్పిందిట‌. ఇప్ప‌టికే బ్యూటీ సూర్య త‌మ్ముడు కార్తీ సినిమా ద్వారానే హీరోయిన్ గా ప‌రిచ‌య‌మైంది.

కార్తీ హీరోగా న‌టించిన విరుమాన్ సినిమా ద్వారానే న‌టిగా మ్యాక‌ప్ వేసుకుంది. ఆ త‌ర్వాత శివ కార్తికేయ‌న్ తో 'మావీర‌న్' చేసింది. రెండు సినిమా ఫ‌లితాలు ప‌ర్వాలేదు. న‌ట‌న ప‌రంగా అదితి మంచి మార్కులు ప‌డ్డాయి. అయితే సాలిడ్ ప‌డ లేదు. దీంతో అదితి కెరీర్ నెమ్మ‌దించిన‌ట్లు అయింది. ఈ నేప‌థ్యంలో ఇప్పుడిప్పుడే బిజీ అవుతుంది. ప్ర‌స్తుతం త‌మిళ్ లో మూడు సినిమాలు షూటింగ్ లో ఉన్నాయి. తాజాగా సూర్య స‌ర‌స‌న ఛాన్స్ రావ‌డంతో అదితి పేరు వైర‌ల్ అవుతుంది.