#SSMB 29 కంటే ముందే 'రేంజర్'..ఇదేం ట్విస్ట్!

సూప‌ర్ స్టార్ మ‌హేష్ క‌థ‌నాయ‌కుడిగా రాజ‌మౌళి ద‌ర్శ‌క‌త్వంలో పాన్ ఇండియాలో అడ్వెంచ‌ర్ థ్రిల్ల‌ర్ కి సన్నాహాలు జ‌రుగుతోన్న సంగ‌తి తెలిసిందే. జ‌న‌వ‌రిలో సినిమా రెగ్యుల‌ర్ షూటింగ్ మొద‌లు పెట్టాల‌ని సిద్ద‌మ‌వుతున్నారు. ఇప్ప‌టికే రాజ‌మౌళి లోకేష‌న్ల వేట‌లో ప‌డ్డారు. ప్ర‌పంచ వ్యాప్తంగా ఉన్న ప్ర‌ఖ్యాత ఫారెస్ట్ లొకేష‌న్ల‌ను అన్నింటిని చుట్టేస్తున్నారు. ఆప్రిక‌న్ అడ‌వుల నేప‌థ్యంలో తెర‌కెక్కుతున్న సినిమా కావ‌డంతో? అక్క‌డ కొన్ని లోకేష‌న్ల‌లో త‌ప్ప‌నిస‌రిగా షూటింగ్ ఉంటుంది.

అందుకు త‌గ్గ ట్రైనింగ్ ఇప్ప‌టికే జ‌పాన్ స‌హా ఆఫ్రిక‌న్ మ‌సాయి తెగ‌ల జాతుల మ‌ధ్య పూర్తి చేసుకుని వ‌చ్చిన‌ట్లు ప్ర‌చారం జ‌రుగుతోంది. ఇప్ప‌టికే మ‌హేష్ న్యూలుక్ కూడా వైర‌ల్ అవుతుంది. కొన్ని లెల‌లుగా లాంగ్ హెయిర్ లో క‌నిపిస్తున్నాడు. బాడీ షేప్ ప‌రంగానూ కొన్ని ర‌కాల మార్పులు తీసుకొస్తున్నాడు. అలాగే సినిమాలో భారీగా అట‌వీ జంతువుల‌ను సైతం షూట్ లో పాల్గొంటాయ‌ని తెలుస్తోంది. ఫారెస్ట్ బ్యాక్ డ్రాప్ స్టోరీ కాబ‌ట్టి వాటికి చాలా వ‌ర‌కూ ప్ర‌త్యేక‌త ఉంటుంది.

పాన్ ఇండియాని దాటి పాన్ వ‌ర‌ల్డ్ నే షేక్ చేసేలా జ‌క్క‌న్న ప‌క్కా ప్లానింగ్ తో ముందుకెళ్తున్నారు. అయితే అంత‌కంటే ముందే బాలీవుడ్ లో ఇలాంటి ఓ ప్రయోగం జ‌రుగుతున్న‌ట్లు తాజాగావెలుగులోకి వ‌చ్చింది. భారతీయ పురాణాలు , జానపద కథలతో కూడిన కెంటెట్ తో ఓ యాక్షన్-అడ్వెంచర్ సిద్ధమవుతోంది. ఇందులో అజయ్ దేవ‌గ‌ణ్ హీరోగా న‌టిస్తున్నాడు. జ‌గ‌న్ శ‌క్తి ద‌ర్శ‌క‌త్వంలో రూపొందుతుంది. ఈ సినిమాకి 'రేంజ‌ర్' అనే టైటిల్ కూడా పిక్స్ చేసారు. డిసెంబ‌ర్ లో ఈ సినిమా రెగ్యుల‌ర్ షూటింగ్ మొద‌ల‌వుతుంది.

ఇందులో అజ‌య్ దేవ‌గ‌ణ్ పురాణ అవశేషాల కోసం పాటు ప‌డే రాష్ట్ర అటవీ అధికారి పాత్ర‌లో న‌టిస్తున్నారు. భారీ బ‌డ్జెట్ తోనే ఈసినిమా తెర‌కెక్కుతుంది. ఈ చిత్రాన్ని బాలీవుడ్ ఉద్దండులు ఇండియానా జోన్స్ తో పోల్చ‌డం విశేషం. అజయ్ హారిసన్ ఫోర్డ్ మాదిరిగా కఠినమైన, వాతావరణ రూపాన్ని అలవర్చుకుంటాడు. నార్త్ ఇండియన్ ఫారెస్ట్ లో అథెంటిక్ అడ్వెంచర్ ఫీల్ ఇచ్చేలా ఉంటుందంటున్నారు.

రాజ‌మౌళి-మ‌హేష్ సినిమాకు స‌మాంత‌రంగా ఉంటుంద‌ని సోష‌ల్ మీడియా పోస్టులు క‌నిపిస్తున్నాయి. రాజ‌మౌళి సినిమా కంటే ముందుగానే 'రేంజ‌ర్' రిలీజ్ అవుతుంది. ఈ నేప‌థ్యంలో ఆ ప్ర‌భావం కాస్త జ‌క్క‌న్న చిత్రంపై ప‌డుతుంద‌ని నెటి జ‌నులు అంచ‌నా వేస్తున్నారు.