బాలీవుడ్ సింగంలో మనోడు

బాలీవుడ్ లో 12 ఏళ్ల క్రితం రిలీజ్ అయిన సింగం మూవీ ఎలాంటి హిట్ అయిందో అందరికీ తెలిసిందే. బీటౌన్ స్టార్ హీరో అజయ్ దేవగణ్ నటించిన ఆ సినిమా.. బాక్సాఫీస్ వద్ద రూ.కోట్లలో వసూళ్లు రాబట్టింది. నిజానికి ఆ చిత్రం.. కోలీవుడ్ హీరో సూర్య యముడు మూవీకి రీమేక్. ఇక హిందీలో ఫస్ట్ పార్ట్ వచ్చిన మూడేళ్లకు సీక్వెల్ సింగం రిటర్న్స్ తెరకెక్కింది. ఈ మూవీ ఫస్ట్ పార్ట్ కు మించి వసూళ్లు సాధించి బ్లాక్ బస్టర్ హిట్ అయింది.

అయితే అప్పటికే గోల్ మాల్ సిరీస్ తో డైరెక్టర్ రోహిత్ శెట్టి- హీరో అజయ్ దేవ్ గణ్ కాంబో సూపర్ హిట్ అని అందరితో అనిపించుకుంది. ఇక సింగం సిరీస్ తో బాలీవుడ్ ఇండస్ట్రీలో ఓ రేంజ్ లో ఆ కాంబో క్రేజ్ సంపాదించుకుంది. ఇప్పుడు అదే కాంబోలో సింగం ఎగైన్(సింగం-3) రాబోతోంది. ఇప్పటికే ఫస్ట్ రెండు పార్టులు భారీ విజయాలు సాధించడంతో.. సింగం-3 బాలీవుడ్ నుంచి వస్తున్న మోస్ట్ ప్రెస్టీజియస్ ప్రాజెక్ట్స్ లో ఒకటిగా మారింది.

రోహిత్ శెట్టి దర్శకత్వం వహిస్తున్న ఈ సినిమా నుంచి ఇప్ప‌టికే అజయ్ దేవ్ గణ్ ఫ‌స్ట్ లుక్ విడుద‌ల చేయ‌గా.. ప్రేక్ష‌కుల‌ నుంచి మంచి రెస్పాన్స్ వచ్చింది. తాజాగా ఈ సినిమా నుంచి మరో క్రేజీ అప్డేట్ వచ్చింది. సింగం-3లో ఓ టాలీవుడ్ నటుడు యాక్ట్ చేస్తున్నారు. ఆయనే అజయ్. ఇప్పటికే అనేక తెలుగు చిత్రాల్లో తన నటన తో ఆకట్టుకున్న నటుడు అజయ్.. సింగం-3లో పోలీస్ పాత్రలో కనిపించనున్నారు.

సింగం-3 షూటింగ్స్ సెట్స్ లో అజయ్ దేవ గణ్ తో అజయ్ దిగిన పిక్.. ప్రస్తుతం నెట్టింట తెగ చక్కర్లు కొడుతోంది. అజయ్ సూపర్ ఛాన్స్ కొట్టేశారని నెటిజన్లు కామెంట్లు పెడుతున్నారు. ఈ మూవీతో తన టాలెంట్ ను బాలీవుడ్ లో నిరూపించుకోవాలని సూచిస్తున్నారు. బీటౌన్ లో కూడా వరుస ఆఫర్లు దక్కించుకోవాలని ఆశిస్తున్నారు. మరి ఆయన బాలీవుడ్ కెరీర్ ఎలా ఉంటుందో చూడాలి.

ఇక ఈ సినిమా విషయానికొస్తే.. హీరోయిన్ గా దీపికా పదుకొణె నటిస్తున్నారు. విలన్ గా అర్జున్ కపూర్ కనిపించనున్నారు. బాలీవుడ్ స్టార్ న‌టులు టైగ‌ర్ ష్రాఫ్, రణ్‌ వీర్ సింగ్, కరీనా కపూర్ తోపాటు అక్ష‌య్ కుమార్ స్పెష‌ల్ రోల్స్ లో యాక్ట్ చేస్తున్నారు. ఇక ఈ మూవీ.. ఆగస్టు 15వ తేదీన విడుదల అవుతుందని వార్తలు వచ్చాయి. కానీ సినిమా షూటింగ్ పార్ట్ చాలా పెండింగ్ ఉందట. అందుకే దీపావళి కానుకగా రిలీజ్ చేయాలని మేకర్స్ భావిస్తున్నారని సమాచారం. మరి ఈ మూవీ ఎప్పుడు విడుదల అవుతుందో చూడాలి.