నా వైఫ‌ల్యాలు చూసి సంబరాలు చేసుకుంటారు: అక్షయ్ కుమార్
సినీ పరిశ్రమ రాజకీయాల గురించి చాలామంది స్టార్లు గ‌తంలో ఆవేద‌న వ్య‌క్త‌ప‌రిచారు.
బాలీవుడ్‌లో అంతర్గత తగాదాలు ఉన్నాయని అక్షయ్ కుమార్ వెల్లడించారు. తన పని నీతి గురించి ఎవరు తప్పుడు పుకార్లను వ్యాప్తి చేస్తారో తెలుసున‌ని వ్యాఖ్యానించారు. వారు నా వైఫల్యాలను సెల‌బ్రేట్ చేస్తార‌ని వ్యాఖ్యానించారు. పూర్తి వివ‌రాల్లోకి వెళితే...
సినీ పరిశ్రమ రాజకీయాల గురించి చాలామంది స్టార్లు గ‌తంలో ఆవేద‌న వ్య‌క్త‌ప‌రిచారు. ఇప్పుడు ఈ జాబితాలో బాలీవుడ్ అగ్ర క‌థానాయ‌కుడు అక్షయ్ కుమార్ కూడా చేరారు. రాజ‌కీయాల‌కు వ్యతిరేకంగా స్టార్ హీరో అక్షయ్ కుమార్ గ‌ళం విప్పారు. కొంతమంది తన వైఫల్యాలను చూసి సంబరాలు చేసుకుంటారని ఆవేద‌న వ్యక్తం చేసారు. అక్షయ్ ఇటీవలి సంవత్సరాలలో బాక్సాఫీస్ వద్ద కఠినమైన సమయాన్ని ఎదుర్కొన్నాడు. 10కి పైగా సినిమాలు విడుద‌ల కాగా... రెండు క్లీన్ హిట్‌లు మాత్రమే ఉన్నాయి. ఇటీవ‌లే విడుద‌లైన బ‌డే మియాన్ చోటే మియాన్ వైఫ‌ల్యం అత‌డిని తీవ్రంగా నిరాశ‌ప‌రిచింది. తన సినిమాల పట్ల కమిట్‌మెంట్ తక్కువగా ఉందని, అత‌డివి అన్నీ తప్పుడు ఎంపిక‌లు అని తన చుట్టూ రూమర్స్ ఎవరు ప్రారంభించారో తనకు బాగా తెలుసని, అందుకే తన సినిమాలు ఫ్లాప్ అయ్యాయని కూడా అక్షయ్ అన్నారు. దీంతో ప్రజల్లో తనపై ఉన్న అభిప్రాయం మారిపోయిందని, తన తోటి ఇండస్ట్రీ సభ్యులపై ఒకరినొకరు చెడుగా మాట్లాడుకోవడంపై అసహ్యం వ్యక్తం చేశారు.
ప్ర‌ముఖ మీడియాతో చాట్ చేసిన అక్షయ్ పైవిధంగా ఆవేద‌న చెంద‌డం ఆశ్చ‌ర్య‌ప‌రిచింది. తన వ్యక్తిగత జీవితానికి అవసరమైన సమయాన్ని వెచ్చించాలని నమ్ముతున్నందున తాను ఎనిమిది గంటల షిఫ్ట్‌లలో ఖచ్చితంగా పనిచేస్తానని అత‌డు చెప్పాడు. ``తప్పుడు ప్ర‌చారం ఎవరు ప్రారంభించారు? అనే వివరాలను నేను తెలుసుకోవాలనుకోవడం లేదు.. ఎందుకంటే ఇది ఎక్కడి నుంచో మొదలవుతుంది. ఇది మిమ్మల్ని ఇష్టపడని వారి నుండి మొదలవుతుంది. అది ఎలా మొదలవుతుంది? అనేది తెలుసుకోగ‌లం. వారు ఒకటి లేదా రెండు విషయాలను ఎంచుకుంటారు… టార్గెట్ చేస్తారు`` అని అన్నారు. ``అక్షయ్ సినిమాలకు ఎక్కువ సమయం పట్టదు.. అతను సమయానికి వస్తాడు..సమయానికి వెళ్లిపోతాడు`` అని ఒక‌ప్పుడు అన్నారు. నేను ఒకేసారి 17 సినిమాలు చేసేవాడిని... అవి ఎనిమిది నెలల్లోనే విడుదలయ్యేవి.. నేను ఎంతో సమర్ధవంతుడిగా పరిగణించబడ్డాను… కానీ ఇప్పుడు, సినిమాలు ఫ్లాప‌వుతుంటే.. నేను తగినంత సమయం కేటాయించడం లేదని వారు అంటున్నారు.
దర్శకులు అడిగినంత పెర్ఫామెన్స్ ఇచ్చేస్తానని, అవసరం లేనప్పుడు వారిని ఇబ్బంది పెట్ట‌న‌ని అక్షయ్ చెప్పాడు. కొంద‌రు నా సినిమాలు ఫెయిలైతే చూడటానికి ఇష్టపడతారు. దానికి వారు సంతోషంగా ఉన్నారు. నేనే స్వయంగా చూశాను… తెలుసుకున్నాను అని అక్షయ్ అన్నారు. తాను కష్టపడి పనిచేస్తానని, దైవిక శక్తిని నమ్ముతానని, పరిశ్రమ రాజకీయాలను ఖండిస్తున్నాన‌ని అన్నారు. నేటి వరకు 33-34 సంవత్సరాలలో నేను ఎవరి గురించి చెడుగా మాట్లాడలేదు. ఎవరి పేరును తీసుకుని ఆ వ్యక్తిని నిలదీసే హక్కు నీకు లేదని నేను ఎప్పుడూ భావిస్తాను.. అని అన్నారు. నేను ప్రజలకు చెప్పేది ఒక‌టే. ఇతరులను తగ్గించవద్దు. నేను రాజకీయాల్లో చూస్తాను, నా సొంత పరిశ్రమలో చూస్తాను. ఒకరినొకరు ఎందుకు దూషించుకుంటారో నాకు అర్థం కాదు. మీలో చాలా శక్తి ఉంది, అది వృధా అవుతుంది... అని ముగంచారు.