'అలనాటి రామచంద్రుడు' ట్రైలర్.. మనసుకు హత్తుకునేలా!

యంగ్ అండ్ టాలెంటెడ్ కృష్ణవంశీ హీరోగా పరిచయం అవుతున్న లవ్ ఎంటర్టైనర్ మూవీ అలనాటి రామచంద్రుడు. చిలుకూరి ఆకాష్ రెడ్డి దర్శకత్వం వహిస్తున్న ఈ చిత్రంలో కొత్త బ్యూటీ మోక్ష హీరోయిన్ గా యాక్ట్ చేస్తోంది. ఇప్పటికే షూటింగ్ పూర్తి చేసుకున్న ఈ మూవీ ప్రస్తుతం పోస్ట్ ప్రొడక్షన్ దశలో ఉంది. త్వరలో థియేట్రికల్ రిలీజ్ కు సిద్ధమవుతోంది. దీంతో మేకర్స్ అందుకు సంబంధించిన ఏర్పాట్లను పూర్తి చేసే పనిలో ఉన్నారు.

అయితే ప్రమోషన్స్ లో భాగంగా ఇప్పటి వరకు ఈ మూవీ నుంచి విడుదలైన పోస్టర్లు, సాంగ్స్, టీజర్ అన్నీ చాలా కూల్ గా ఉంటూనే ఆకట్టుకున్నాయి. సినిమాపై పాజిటివ్ బజ్ క్రియేట్ చేశాయి. ఇటీవల రిలీజ్ డేట్ ను అనౌన్స్ చేశారు మేకర్స్. ఆగస్టు 2వ తేదీన థియేటర్లలో విడుదల చేయనున్నారు. దీంతో ప్రమోషన్స్ లో స్పీడ్ పెంచారు. అందులో భాగంగా అలనాటి రామచంద్రుడు మూవీ ట్రైలర్ ను శనివారం సోషల్ మీడియాలో రిలీజ్ చేశారు.

ధరణి ధరణి అంటూ అరుస్తూ హీరో పరిగెడుతున్న సీన్ తో ట్రైలర్ ప్రారంభమైంది. హీరోయిన్ ఒక వ్యక్తి చేతిలో మోసపోతుంది. ఆ తర్వాత హీరోయిన్ తో హీరో ప్రేమలో పడతాడు. కానీ ఆమెకు చెప్పడు. వెనుక ఫాలో అవుతాడు. అందరూ చెప్పమని బలవంతం చేస్తారు. కానీ నో చెబితే ఏమవుతుందో అని భయపడతాడు. అలా ప్రతిక్షణాన్ని ఎంజాయ్ మాత్రం చేస్తాడు. అంతవరకు బాగానే ఉన్నా ట్రైలర్ ఒక్కసారిగా మలుపు తిరుగుతోంది.

హీరోహీరోయిన్ల మధ్య అనుకోని సంఘటనలు జరుగుతాయి. ఆ తర్వాత ఏం జరిగింది? ఇద్దరూ కలిశారా? పెళ్లి చేసుకున్నారా? అనేది మిగతా సినిమాగా ట్రైలర్ చూస్తుంటే అర్థమవుతోంది. అయితే ట్రైలర్ అంతా మనసు హత్తుకునేలా సాగుతోంది. డైలాగ్స్ చాలా అట్రాక్టివ్ గా ఉన్నాయి. డ్రామా అండ్ ఎమోషనల్ రిచ్ నెస్ తో ట్రైలర్ ఆకట్టుకుంటూ సినిమాపై ఆసక్తి పెంచుతోంది. ఇప్పటికే ఉన్న అంచనాలను మరింతగా పెంచేసింది.

అయితే కృష్ణవంశీ తన నటనతో అదరగొట్టారు. డెబ్యూ హీరోలా కాకుండా.. మంచి అనుభవం ఉన్న నటుడిలా అలరించారు. మోక్ష కూడా తన రోల్ కు న్యాయం చేసినట్లు కనిపిస్తోంది. బ్రహ్మాజీ, సుధ, ప్రమోదిని, వెంకటేష్ కాకమును, చైతన్య గరికిపాటి వంటి ప్రముఖ నటీనటులు కీలక పాత్రల్లో కనిపిస్తున్నారు. శశాంక్ బ్యాక్ గ్రౌండ్ స్కోర్ తో ఫిదా చేశారు. విజువల్స్ కూడా బాగున్నాయి. మరి ఈ సినిమా ఎలాంటి హిట్ అవుతుందో వేచి చూడాలి.