బ‌న్నీతో ఆనంద్ సినిమా లేన‌ట్లేనా!

ఐకాన్ స్టార్ అల్లు అర్జున్ తో స‌స్పెన్స్ థ్రిల్ల‌ర్ చిత్రాల ద‌ర్శ‌కుడు వి.ఐ ఆనంద్ ఓ సినిమా ప్లాన్ చేస్తున్న ట్లు కొన్నాళ్ల క్రితం తెర‌పైకి వ‌చ్చిన సంగ‌తి తెలిసిందే. బ‌న్నీకి అదిరిపోయే స్క్రిప్ట్ వినిపించ‌డాని..బ‌న్నీ అండ్ కో ఆ స్టోరీని లైక్ చేసింద‌ని...గీతా ఆర్స్ట్ సంస్థ ప్ర‌తిష్టాత్మ‌కంగా నిర్మించ‌డానికి ముందుకొచ్చిన‌ట్లు ప్ర‌చారం సాగింది. రేపోమాపో సినిమా ప్రారంభోత్స‌వం జ‌ర‌గొచ్చ‌ని బ‌ల‌మైన సంకేతాలే తెర‌పైకి వ‌చ్చాయి.

అయితే ఆ త‌ర్వాత బ‌న్నీ వేర్వేరు ద‌ర్శ‌కుల‌తో సినిమాలు చేసాడు? త‌ప్ప ఆనంద్ ప్రాజెక్ట్ గురించి ఎక్క‌డా చ‌ర్చించ‌లేదు. దీంతో అప్ప‌టి నుంచి ఆ ప్రాజెక్ట్ గురించి మ‌ళ్లీ చ‌ర్చ‌లేదు. బ‌న్నీ బిజీ షెడ్యూల్ నుంచి బ‌య‌ట‌కు వ‌చ్చిన త‌ర్వాత ప్రాజెక్ట్ ఉండొచ్చ‌ని చాలా మంది భావించారు. అయితే తాజాగా ఈ విష‌యంపై ఆనంద్ క్లారిటీ ఇచ్చేసారు. ఈ ప్రాజెక్ట్ స్టోరీ డిస్క‌ష‌న్ లోనే ఆగిపోయింద‌ని వెల్ల‌డించారు.

ఇద్ద‌రి మ‌ధ్య కొన్ని నెల‌లు పాటు క‌థా చ‌ర్చ‌లు జ‌రిగిన మాట వాస్త‌వమేన‌ని..కానీ క‌థ వ‌ల్లే ఆ సినిమా కార్య‌రూపం దాల్చ‌లేద‌న్నారు. దీంతో ఈసినిమా ఆగిపోయింద‌ని తేలిపోయింది. ఇంత‌కాలం ఏదో ఒక రోజు ఈ కాంబినేష‌న్ లో సినిమా ఉండొచ్చ‌ని బ‌న్నీ సన్నిహిత వ‌ర్గాల్లో చ‌ర్చ‌కు వ‌చ్చింది. కానీ ఆనంద్ వివ‌ర‌ణ‌తో ఈక‌ల‌యిక‌లే సినిమా ఇప్ప‌ట్లో ఉండ‌ద‌ని తేలిపోయింది. ప్ర‌స్తుతం బ‌న్నీ పాన్ ఇండియా స్టార్.

`పుష్ప` తో అత‌డి రేంజ్ మారిపోయింది. జాతీయ ఉత్త‌మ న‌టుడిగా అవార్డు సైతం అందుకున్నాడు. ఆనంద్ కెరీర్ లో మాత్రం ఇంకా బ్లాక్ బ‌స్ట‌ర్ చిత్రాలంటూ లేవు. ఆయ‌న టైర్ -3 హీరోల‌తో సినిమాలు చేస్తున్నారు. బ‌న్నీ లాంటి టైర్ వ‌న్ హీరోతో సినిమా అంటే? అది పాన్ ఇండియాని మెప్పించే క‌థ అయి ఉండాలి. అప్పుడే బ‌న్నీతో ఛాన్స్. ప్ర‌స్తుతం బ‌న్నీ `పుష్ప‌-2` లో న‌టిస్తోన్న సంగతి తెలిసిందే. ఈసినిమా త‌ర్వాత ఏ ద‌ర్శ‌కుడితో సినిమా చేయాలో? అర్దం కాని డైల‌మాలోనూ బ‌న్నీ ఉన్నాడు. స్టార్ మేక‌ర్స్ పేర్లు తెర‌పైకి వ‌స్తోన్న బ‌న్నీ ఎవ‌ర్నీ క‌న్ప‌మ్ చేయ‌లేదు.