పెదకాపు.. నా క్యారెక్టర్ ఎలా ఉంటుందంటే..; అనసూయ

యాంకర్ గా మంచి క్రేజ్ అందుకున్న అనసూయ భరద్వాజ్ ఇప్పుడు నటిగా సౌత్ ఇండస్ట్రీలో చాలా బిజీగా మారిపోయింది. ఆమె ఎలాంటి పాత్ర చేసిన కూడా సినిమాలో చాలా ఇంపాక్ట్ ఉండే విధంగా నటిస్తూ ఉంటుంది. ఇక ఆమె నెక్స్ట్ శ్రీకాంత్ అడ్డాల దర్శకత్వం వహిస్తున్న పెదకాపు అనే సినిమాలో నటిస్తోంది. ఇక ఈ సినిమాను సెప్టెంబర్ 29వ తేదీన గ్రాండ్గా విడుదల చేయబోతున్నారు.

ఈ క్రమంలో అనసూయ భరద్వాజ్ తన పాత్ర గురించి ప్రత్యేకంగా వివరించారు. ఈ సినిమాలో తను ఒక పవర్ఫుల్ పాత్రలో కనిపించబోతున్నాను అంటూ ఇప్పుడే క్యారెక్టర్ గురించి మొత్తం చెబితే బాగుండదు, కానీ బిగ్ స్క్రీన్ పై నా పాత్రను చూసిన తర్వాత సరికొత్తగా ఫీల్ అవుతారు అని నమ్మకంగా చెప్పగలను. చాలా ఇంపాక్ట్ ఫుల్ గా దర్శకుడు శ్రీకాంత్ ఆ పాత్రను డిజైన్ చేశారు. ఆయన క్యారెక్టర్ గురించి చెప్పగానే నాకు చాలా నచ్చింది.

సినిమా విడుదలైన తర్వాత నన్ను అందరూ కూడా అలానే పిలుస్తారు అని అనసూయ తెలిపారు. ఇక రంగస్థలంలో నటించిన రంగమ్మత్త లాంటి పవర్ ఫుల్ పాత్ర ఇంతవరకు రాలేదని మీరు ఎప్పుడైనా ఫీల్ అయ్యారా అని ప్రశ్నకు ఆమె వివరణ ఇస్తూ.. ఆ పాత్రతోనే తనను చాలా మంది ఎక్కువగా గుర్తు పెట్టుకుంటారు. అయితే నాకు వచ్చిన ప్రతి పాత్ర కూడా ఒక కొత్త తరహాలోనే స్వీకరిస్తూ వీలైనంత వరకు బెస్ట్ ఇవ్వడానికి ప్రయత్నం చేస్తాను.

విమానంలో సినిమాలో సుమతి పాత్రలో చాలా డిఫరెంట్ గా కనిపించాను. ఇప్పుడు పెదకాపులో చేసిన పాత్ర కూడా చాలా పవర్ ఫుల్ గా డిఫరెంట్ గా ఉంటుంది. పెద్ద కాపు అనేది ఒక ర్రా ఫిలిం. నా క్యారెక్టర్ లో కొన్ని బోల్డ్ డైలాగ్స్ కూడా ఉంటాయి. దర్శకుడు శ్రీకాంత్ అడ్డాల చాలా మంచి దర్శకుడు. సీతమ్మవాకిట్లో సిరిమల్లె చెట్టు లాంటి సినిమాను తెరపైకి తీసుకువచ్చిన ఆయన పెదకాపు లాంటి కథను చెప్పినప్పుడు నేనే షాక్ అయ్యాను.

ఆయనకు కూడా ఈ సినిమా ప్రత్యేకంగా నిలుస్తుంది. ఇక శ్రీకాంత్ ఈ సినిమాలో ఒక క్యారెక్టర్ చేయడం కూడా ఆశ్చర్యాన్ని కలిగించింది. నా పాత్ర విషయంలో కూడా ఎంతో జాగ్రత్తలు తీసుకున్నారు. ఇక ఈ సినిమాలో హీరోగా నటించిన విరాట్ చాలా హార్డ్ వర్క్ చేసాడు. షూటింగ్లో కూడా అతనికి చాలా దెబ్బలు తగిలాయి. అతను ఇండస్ట్రీలో ఒక ప్రత్యేకమైన ముద్ర వేసుకుంటాడు అనే నమ్మకం ఉంది. అలాగే నిర్మాతలు కూడా ఈ సినిమాను అత్యున్నత ప్రొడక్షన్ వాల్యూస్తో నిర్మించారు అని అనసూయ తెలియజేశారు.