అనీల్ కోసం కోట్ల సూట్ కేసుల‌తో నిర్మాత‌లు!

యంగ్ డైరెక్ట‌ర్ అనీల్ రావిపూడి ఇప్పుడు ఫుల్ ఫాంలో ఉన్న సంగ‌తి తెలిసిందే. క‌మ‌ర్శియ‌ల్ సినిమాకి కేరాఫ్ అడ్ర‌స్ గా మారిపోయాడు. నిర్మాత‌ల‌కు డ‌బ్బులొచ్చే సినిమా తీయాలంటే అది అనీల్ రావిపూడికి మాత్రమే చేత‌న‌వుతుంద‌ని మ‌రోసారి సంక్రాంతికి వ‌స్తున్నాంతో ప్రూవ్ చేసాడు. 300 కోట్ల‌కు పైగా రీజ‌న‌ల్ మార్కెట్ లోనే రాబ‌ట్టింది. దీంతో ఈ సినిమా నిర్మాత‌, డిస్ట్రిబ్యూట‌ర్, ఎగ్జిబిట‌ర్, బ‌య్య‌ర్ అంతా ఎంతో సంతోషంగా ఉన్నారు.

సినిమాకు భారీ లాభాలు రావ‌డంతో త‌మ క‌ష్టాల‌న్నీ తిర‌పోయాయ‌ని చెప్పిన వాళ్లెంతో మంది. సినిమా పంపిణీదారుల్ని అంద‌ర్ని ఇలా తెర‌పైకి తేవ‌డం అన్న‌ది చాలా కాలం త‌ర్వాత జ‌రిగింది. పాత రోజుల్లో ఇలాంటి వాతావ‌ర‌ణం క‌నిపించేది. మ‌ళ్లీ సంక్రాంతి విజ‌యంతో అదే వారాణ‌న్ని రాజుగారు చూపించారు. దీనంత‌టికి కార‌ణం ఎవ‌రు? అంటే అనీల్ రావిపూడి. మ‌రి ఇప్పుడు అనీల్ రావిపూడి క్రేజ్ ఎలా ఉందో? తెలిస్తే దిమ్మ తిరిగి పోతుంది.

అనీల్ తో సినిమా చేయాల‌ని నిర్మాత‌లంతా పోటీ ప‌డుతున్నారట‌. అడ్వాన్సులు ఇవ్వ‌డానికి అనీల్ ఇంటి ముందు క్యూ క‌డుతున్నారట‌. ఓ పేరున్న నిర్మాత అయితే ఏకంగా 50 కోట్లు తెచ్చాడట‌. మా బ్యాన‌ర్లో ఎప్పుడైనా సినిమా తీయండి...ప్ర‌స్తుతానికి ఈ అమౌంట్ ఉంచండ‌ని ఇవ్వ‌బోయే ప్ర‌య‌త్నం చేసాడుట‌. కానీ అనీల్ తిర‌స్క‌రించి త‌ప్ప‌కుండా చేస్తాన‌ని, కానీ డ‌బ్బు మాత్రం తీసుకోని తిప్పి పంపించాడట‌.

అలా ఉంది ఇండ‌స్ట్రీలో అనీల్ రావిపూడి డిమాండ్. తక్కువ బ‌డ్జెట్ లో సినిమా తీయ‌డ‌మే కాదు...దాన్ని జ‌నాల్లోకి ఎలా తీసుకెళ్లాడో కూడా అనీల్ వ‌ద్ద ప్ర‌త్యేకమైన స్ట్రాట‌జీ ఉంటుంది. తాను ద‌ర్శ‌కుడు అయిన నాటి నుంచి ప్ర‌తీ సినిమా రిలీజ్ స‌మ‌యంలో నిర్మాత‌కు ప‌బ్లిసిటీ ఖ‌ర్చులు త‌గ్గిస్తున్నాడు? అంటే కార‌ణం అనీల్ స్ట్రాట‌జీనే.