ఇదొక్కటే స్పెషల్ ఎందుకు అనీల్..?

బాలకృష్ణ హీరోగా సక్సెస్ ఫుల్ డైరెక్టర్ అనిల్ రావిపుడి డైరెక్షన్ లో వస్తున్న భగవంత్ కేసరి సినిమా ట్రైలర్ రిలీజ్ ఈవెంట్ అభిమానుల సమక్షంలో గ్రాండ్ గా జరిగింది. వరంగల్ లో జరిగిన ఈ ఈవెంట్ కి సినిమాలో ముఖ్య పాత్రలు పోషించిన వారంతా కూడా వచ్చారు. ఈ ట్రైలర్ రిలీజ్ ఈవెంట్ లో అనీల్ రావిపుడి అందరికీ షాక్ ఇచ్చేలా స్పీచ్ ఇచ్చారు. పటాస్ నుంచి ఎఫ్ 3 వరకు ఓటమి లేని దర్శకుడిగా క్రేజ్ తెచ్చుకున్న అనీల్ రావిపుడి భగవంత్ కేసరి తనకు చాలా స్పెషల్ అంటున్నారు.

ట్రైలర్ రిలీజ్ ఈవెంట్ లో అనీల్ రావిపుడి ఈ సినిమా ఇలా గ్రాండ్ గా అయ్యింది అంటే నిర్మాతలు హరీష్ పెద్ది, సాహు గారపాటి తనకు ఇచ్చిన సపోర్ట్ అని అన్నారు. సినిమాలో ప్రతి ఒక్కరు చాలా బాగా చేశారని.. కాజల్ మంచి నటి ఆమెతో ఇదే మొదటిసారి పనిచేయడం తను చేసిన సైకాలజిస్ట్ పాత్రలో ఆమె బాగా నటించారని అన్నారు అనీల్ రావిపుడి. అర్జున్ రాంపాల్ ఈ సినిమాలో బాలయ్యని ఢీ కొట్టే పాత్ర చేశారు. హిందీలో మంచి నటుడిగా గుర్తింపు తెచ్చుకున్న ఆయన ఈ సినిమా కోసం తెలుగు నేర్చుకుని సొంత డబ్బింగ్ చెప్పారని.. ఆయన వర్క్ డెడికేషన్ గురించి చెప్పారు అనీల్ రావిపుడి.

బాలకృష్ణ గారితో కలిసి పనిచేయడం ఓ అదృష్టం.. ఆయనతో ఈ రిలేషన్ ఎప్పుడు ఉండాలని కోరుతున్నా.. సినిమా తన కెరీర్ లో చానా ఏండ్లు యాదుంటాడి అనే సినిమా డైలాగ్ వాడారు అనీల్ రావిపుడి. విజ్జి పాత్ర లో శ్రీ లీల కూడా బాగా చేసిందని అన్నారు. సినిమాకు టెక్నికల్ టీం సపోర్ట్ కూడా చాలా బాగా ఇచ్చారని అన్నారు.

సినిమా ట్రైలర్ రిలీజ్ కాబట్టి తక్కువ మాటలతోనే స్పీచ్ ఫినిష్ చేసిన అనీల్ రావిపుడి భగవంత్ కేసరి సినిమా తన కెరీర్ లో చాలా స్పెషల్ మూవీ అని అన్నారు. బాలకృష్ణ గారితో సినిమా చేయడం సంతోషంగా ఉందని ఈ సినిమా ఫ్యాన్స్ అందరికీ మంచి ట్రీట్ అందిస్తుందని అన్నారు. తను మాట్లాడేది ఇంకా చాలా ఉందని ప్రీ రిలీజ్ ఈవెంట్ లో మళ్లీ మాట్లాడుతా అన్నారు అనీల్ రావిపుడి. దసరా కానుకగా అక్టోబర్ 19న ప్రేక్షకుల ముందుకు వస్తుంది భగవంత్ కేసరి.