దూసుకొచ్చిన మ‌రో ప‌వ‌ర్ ఫుల్ పోలీస్

'సింగం ఎగైన్' అంటూ కాప్ స్టోరీ నుంచి మ‌ళ్లీ రొహిత్ శెట్టి అండ్ కో దూసుకొస్తున్న సంగ‌తి తెలిసిందే. ఈ ప్రాంచైజీ నుంచి రిలీజ్ అయిన భాగాల‌న్నీ భారీ విజ‌యం సాధించ‌డంతో `సింగం ఎగైన్` పై భారీ అంచ‌నా లున్నాయి. అందుకు త‌గ్గ‌ట్టు భారీ కాన్వాస్ పై చిత్రాన్ని తెర‌కెక్కిస్తున్నారు. ఇప్ప‌టికే రిలీజ్ అయిన అజ‌య్ దేవ‌గ‌ణ్‌.. అక్ష‌య్ కుమార్..దీపికా ప‌దుకొణే..టైగ‌ర్ ష్రాప్ ఫ‌స్టు లుక్ పోస్ట‌ర్ల తో హీట్ పెంచేసారు.

ఒక్కో లుక్ మాస్ ఆడియ‌న్స్ లో కాక పుట్టించింది. ఈ నేప‌థ్యంలో తాజాగా ర‌ణ‌వీర్ సింగ్ లుక్ రివీల్ చేసారు. సింబా లుక్ లో ర‌ణ‌వీర్ ఆక‌ట్టుకుంటున్నాడు. ఖాకీ డ్రెస్ లో ప‌వ‌ర్పుల్ గా క‌నిపిస్తున్నాడు. మొలితిరిగిన కండ‌లపై ఖాకీ డ్రెస్ తో సింగం దూకుడు ఎలా ఉంటుందో చూపిస్తున్నాడు. దీంతో ర‌ణ‌వీర్ సింగ్ పాత్ర కూడా సినిమాలో చాలా బ‌లంగా ఉంటుంద‌ని తెలుస్తోంది. ఇప్ప‌టికే ఖాకీ డ్రెస్ లో దీపికా ప‌దుకొణేని హైలైట్ చేసారు.

అమ్మ‌డిని కూడా ర‌ణ‌వీర్ లాగే ఓ రేంజ్ లా లాంచ్ చేసారు. ఆ పోస్ట‌ర్ ప్రేక్ష‌కుల్లో కిక్ ఇచ్చింది. తాజాగా హ‌బ్బీ కూడా కాప్ గా క‌నిపించ‌డంతో! మ‌రింత ఆస‌క్తి సంత‌రించుకుంది. అజ‌య్ దేవ‌గ‌ణ్ కూడా పోలీస్ గెట‌ప్ లోఆక‌ట్టుకుంటున్నాడు. దీంతో కాప్ యూనివ‌ర్శ‌ల్ తెరంగా ఖాకీల‌తో నిండిపోతున్న‌ట్లు క‌నిపిస్తుంది. ప‌వ‌ర్ పుల్ యాక్ష‌న్ స‌న్నివేశాలు..ఛేజింగ్ ల‌తో కాప్ స్టోరీ కాక పుట్టిస్తుందంటూ అభిమానులు కామెంట్లు చేస్తున్నారు.

ఇటీవ‌లే హైద‌రాబాద్ రామోజీ ఫిలిం సిటీలో భారీ యాక్ష‌న్ స‌న్నివేశాలు చిత్రీక‌రించారు. ఏకంగా ఆరు ఎక‌ర‌కాల్లో ప్ర‌త్యేకంగా రోడ్డు సెట్లు వేసి షూటింగ్ చేసారు. అవ‌న్నీ ఛేజింగ్ స‌న్నివేశాలుగా తెలుస్తుంది. టైగ‌ర్ ష్రాప్ లాంటి న‌టులు కూడా సినిమాలో భాగ‌మ‌వ్వ‌డంతో అంచ‌నాలు తారా స్థాయికి చేరుతున్నాయి. ఆయ‌న పాత్ర తెర‌పై క‌నిపించినంత సేపు ప‌రుగులు పెట్టిస్తుంద‌ని అంచ‌నాలున్నాయి. ఇంకా రివీల్ కాని రోల్స్ కొన్ని ఉన్నాయి. వాటి గురించి రోహిత్ శెట్టి ప్ర‌క‌టిస్తార‌ని తెలుస్తోంది. అన్ని ప‌నులు పూర్తిచేసి వ‌చ్చే ఏడాది ఆగ‌స్టులో రిలీజ్ చేయాల‌ని ప్లాన్ చేస్తున్నారు.