యువతను అట్ట్రాక్ట్ చేసే 'ఆగలేకపోతున్నా' సాంగ్..!

టాలీవుడ్ యువహీరో తేజ సజ్జా ఫస్ట్ సినిమా జాంబిరెడ్డి హిట్ అవ్వడంతో మెల్లమెల్లగా ఇండస్ట్రీలో బిజీ అయ్యేలా ప్లాన్ చేసుకుంటున్నాడు. ఫస్ట్ సినిమా హిట్ కాబట్టి రెండో సినిమాను కూడా రిస్క్ లేకుండా ఆల్రెడీ వేరే భాషలో హిట్ కొట్టిన స్టోరీనే రీమేక్ చేస్తున్నాడు. ఇష్క్ అనే టైటిల్ తో తెరకెక్కుతున్న ఈ సినిమాలో తేజ సరసన వింక్ బ్యూటీ ప్రియా వారియర్ నటిస్తుంది. కానీ సినిమా టైటిల్ చూస్తే.. ఇష్క్ 'ఇట్స్ నాట్ ఏ లవ్ స్టోరీ' అనే ట్యాగ్ లైన్ తో కన్ఫ్యూషన్ క్రియేట్ చేశారు మేకర్స్. కానీ ఇటీవలే రిలీజ్ చేసిన ట్రైలర్ చూస్తే అర్ధమవుతుంది ఇది నిజంగానే లవ్ స్టోరీ కాదని.. ఇదేదో కొత్తగా ఉండబోతుందని. ఎస్ఎస్ రెడ్డి అనే నూతన దర్శకుడు ఈ సినిమాతో ఇండస్ట్రీకి పరిచయం అవుతున్నాడు.

ఇదిలా ఉండగా.. ఈ సినిమా ప్రమోషన్స్ ఇప్పటికే సోషల్ మీడియా వేదికగా ముమ్మరం చేశారు మేకర్స్. హీరో తేజ కూడా తన పాట్లేవో తను పడుతున్నాడు. తాజాగా ఇష్క్ సినిమా నుండి న్యూ సాంగ్ రిలీజ్ చేసింది చిత్రబృందం. 'ఆగలేకపోతున్నా..' అంటూ సాగే మాంచి మెలోడీ ట్యూన్ తో సాంగ్ యువతకు బాగా కనెక్ట్ అవుతుంది. ఎందుకంటే సాంగ్ లో కుర్రాడు తన గమ్యాన్ని చేరే దారిలో ఎలాంటి పాట్లు పడుతున్నాడు అనేది సాంగ్ వింటే అర్ధమవుతుంది. శ్రీమణి అందించిన లిరిక్స్ చాలా క్యాచిగా ఉన్నాయి. అలాగే మ్యూజిక్ డైరెక్టర్ మహతి స్వరసాగర్ అందించిన సంగీతం ఖచ్చితంగా ఈ పాటను మరో స్థాయికి తీసుకెళ్లిందనే చెప్పాలి. అంతలా మ్యూజిక్ అట్రాక్ట్ చేస్తోంది. ఈ సినిమాను సూపర్ గుడ్ ఫిలిమ్స్ బ్యానర్ ఎన్వీ ప్రసాద్‌, పార‌స్ జైన్‌, వాకాడ అంజ‌న్ కుమార్ సంయుక్తంగా నిర్మిస్తున్నారు. ఏప్రిల్ 23న సినిమా థియేట్రికల్ రిలీజ్ అవుతోంది.