ఐటమ్ పాటకు... 'అదా' రెడీ!

యువ హీరోగా, న్యాచురల్ స్టార్ గా వరుస సినిమాలతో దూసుకుపోతున్నాడు నాని. అయితే వరుస హిట్స్ తో మంచి ఊపు మీద ఉన్న నాని, తన తర్వాత సినిమా జెర్సి షూటింగ్ లో బిజీ బిజీగా ఉన్నాడు. ఇక ఈ సినిమా క్రికెట్ నేపధ్యంలో సాగనున్న సంగతి తెలిసిందే. ఇదిలా ఉంటే మరో పక్క టాలీవుడ్ లో హీరోయిన్ స్థాయి వాళ్లే అవకాశాలు రాకపోతే ఐటమ్ సాంగ్స్ కి ఓకే చెప్పేసిన సంధర్భాలు మనం చాలానే చూశాం.

అయితే ఈ క్రమంలో ఆ కోవలోకి చాలా మంది హీరోయిన్స్ వచ్చి చేరారు కూడా. ఇదిలా ఉంటే ఇప్పుడు అదే దారిలో నడుస్తాను అంటుంది మరో టాలీవుడ్ హీరోయిన్. ఆమె ఎవరో కాదు హార్ట్ అట్యాక్ భామ అదా శర్మ. ఈ భామ మన బన్నీ సన్ ఆఫ్ సత్య మూర్తి సినిమాలో మంచి పాత్ర కూడా చేసింది. అయితే వరుసగా తెలుగు తమిళ్, హింది బాషలో ఏదో ఒక సినిమా ఆఫర్స్ వస్తూ ఉన్నప్పటికీ -లీడ్ హీరోయిన్ గా ఈ  భామకు పెద్దగా అవకాశాలు రావడంలేదు.

ఆ క్రమంలోనే ఎందుకు వచ్చిన తిప్పలు అని అనుకుందో ఏమో, ఈ హీరోయిన్ పాత్రలు చేస్తూనే, మరో పక్క ఐటమ్ సాంగ్స్ కి కూడా రెడీ అనేసిందని టాక్. ఇదిలా ఉంటే టాలీవుడ్ సర్కిల్స్ నుంచి వినిపిస్తున్న కధనం ప్రకారం...ఈ భామ మన యువ హీరో నానీతో కలసి ఈ వేసవి బరిలో దిగనున్న 'జెర్సి'లో ఐటమ్ సాంగ్ చెయ్యడానికి గ్రీన్ సిగ్నల్ ఇచ్చేసింది అని తెలుస్తుంది. మొత్తంగా చూసుకుంటే సినిమా హీరోయిన్ గా కంటే ఈ ఐటమ్ పాటలకే డిమ్యాండ్ ఎక్కువగా ఉండడంతో మన అందాల తారలు ఆ అవకాశాలను ఎక్కడా మిస్ చేసుకోవడం లేదు. మరి ఈ ఐటమ్ సాంగ్ ఈ సినిమాకు - మన బ్యూటీకి ఎంతవరకూ కలసి వస్తుందో చూద్దాం.