కొకైన్ పుచ్చుకుందాం.. రావొచ్చుగా అని పిలిచింద‌ట‌!

బాలీవుడ్ లో స్టార్ల‌కు ర‌క్త ప‌రీక్ష‌లు చేస్తే డ్ర‌గ్స్ సేవించిన‌ట్టు ప్రూఫ్ దొరికిపోతుంద‌ని క్లియ‌ర్ క‌ట్ గా కోట్ చేస్తూ చెప్పింది కంగ‌న‌. హీరోలు.. హీరోయిన్లు.. ద‌ర్శ‌క‌నిర్మాత‌లు ఇలా అంద‌రిపైనా ఆరోప‌ణ‌లు చేసింది. సీబీఐ వాళ్లు నార్కోటిక్స్ వాళ్లు బాలీవుడ్ బ‌డా బాబుల‌పై ద‌ర్యాప్తు చేయాల‌ని కంగ‌న కోరింది. అలా చేస్తే 99 శాతం బాబులంతా దొరికిపోతార‌ని కూడా బ‌హిరంగంగా వాద‌న‌కు దిగింది. బాలీవుడ్ ‌లో 99 శాతం మంది డ్రగ్స్ సేవిస్తార‌ని ఆరోపించిన మ‌రునాటి నుంచే పెద్ద‌లంతా మ‌రిగిపోతున్నార‌న్న గుస‌గుస‌లు వినిపించాయి.

దీనికి ఇప్పుడు కౌంట‌ర్ ఎటాక్ స్టార్ట‌య్యింది. కంగనా రనౌత్ ఒకప్పుడు మాదకద్రవ్యాల‌ను సేవించేద‌ని ఆరోపించిన‌ ఆమె మాజీ ప్రియుడు అధ్యాయ‌న్ సుమన్ పాత ఇంట‌ర్వ్యూ వీడియో ఒక‌టి ఇప్పుడు వైర‌ల్ గా మారింది. కంగనా తన పుట్టినరోజు పార్టీలలో కొకైన్ పుచ్చుకోవ‌డాన్ని నిరాకరించడంతో తనతో ఒకసారి గొడవ పడ్డాడని న‌టుడు అధ్యాయ‌న్ సుమ‌న్ తెలిపాడు. 2008 మార్చిలో ఆ ఘ‌ట‌న జ‌రిగింద‌ని .. రాత్రి పార్టీలో కొకైన్ పుచ్చుకుందామ‌ని కంగ‌న త‌న‌ని పిలిచింద‌ని కానీ తాను నిరాక‌రించాన‌ని తెలిపాడు.

నేను ఇంతకు ముందు రెండుసార్లు ఆమెతో హాష్ తాగాను. అది నచ్చలేదు కాబట్టి కొకైన్ వద్దు అన్నాను. దాంతో ఆ రాత్రి అతిపెద్ద వాదన మా మ‌ధ్య చోటు చేసుకుంది. అన‌వ‌స‌రంగా ఆ గొడ‌వ‌లో చిక్కుకున్నట్లు నాకు గుర్తుంది`` అని అధ్యాయన్ 2016 ఇంటర్వ్యూలో పేర్కొన్నాడు. ప్ర‌స్తుతం ఆ వీడియోని కంగ‌న ప్ర‌త్య‌ర్థులు కౌంట‌ర్ ఎటాక్ కి వాడేస్తున్నారు. సుశాంత్ సింగ్ బ‌ల‌వ‌న్మ‌ర‌ణం అనంత‌రం కంగన వ‌ర్సెస్ బాలీవుడ్ నెప్టో స్టార్స్ వార్ న‌డుస్తున్న సంగ‌తి తెలిసిందే. ఔట్ సైడ‌ర్ అయిన కంగ‌న ఇన్ సైడ‌ర్స్ దౌర్జ‌న్యాల్ని నిల‌దీస్తోంది.