పవర్ ఫుల్ సందడికి సిద్ధమవ్వండి

ఎప్పుడెప్పుడా అని ఎదురుచూస్తున్నా పవర్ స్టార్ పవన్ కళ్యాణ్ అజ్ఞాతవాసి అసలైన వేడుక రోజు రానే వచ్చింది. ఇన్ని రోజులు ఎంతో ఊరించినా అజ్ఞాతవాసి అసలైన పండగ వాతవరణం మొదలైంది. గత కొన్ని రోజులుగా చిత్ర యూనిట్ రిలీజ్ చేస్తోన్న ప్రతి పోస్టర్ కి ఉహలకందని రేంజ్ లో రెస్పాన్స్ వస్తోంది. ఇక సాంగ్స్ గురించి ప్రత్యేకంగా చెప్పనక్కర్లేదు. ప్రస్తుతం పవన్ అభిమానులనే కాకుండా అన్ని వర్గాల ప్రేక్షకులను సాంగ్స్ చాలా ఆకట్టుకుంటున్నాయి. టీజర్ అయితే యూట్యూబ్ లో సునామీని సృష్టిస్తోంది.

ఇక ఫైనల్ గా ఆడియో వేడుకను రేపు ఘనంగా జరపబోతున్నారు. ముందుగా అనుకున్న తేదీ డిసెంబర్ 19 ప్రకారమే ఎలాంటి మార్పులు లేకుండా హైదరాబాద్ HICC హోటల్ లో ఏర్పాట్లను చేస్తున్నారు. అందుకోసం చిత్ర నిర్మాత రాధాకృష్ణ గత కొన్ని రోజులుగా ప్రత్యేక శ్రద్ధ తీసుకొని వచ్చినవారికి ఎలాంటి ఇబ్బందులు కలగకుండా ఉండేలా నిర్వాహకులతో పనులను చేయిస్తున్నారు.  ఇక ఫ్యాన్స్ నుంచి పాస్ లు కావాలని భారీ డిమాండ్ వస్తుండడంతో అనుకున్నంతగా ఇవ్వలేము కాబట్టి సహనంతో సహకరించాలని నిర్మాత కోరారు. అజ్ఞాతవాసి సినిమాతో టాలీవుడ్ కి పరిచయం అవుతోన్న సంగత దర్శకుడు అనిరుద్ లైవ్ స్టేజ్ షో తో అభిమానులకు అసలైన పవర్ స్టామినాని చూపించడానికి రెడీ అవుతున్నాడు.

ఇక త్రివిక్రమ్ దర్శకత్వంలో తెరకెక్కుతోన్న ఈ సినిమా దాదాపు అన్ని పనులను పూర్తి చేసుకుంది. ఫైనల్ గా ఆడియో వేడుక తర్వాత ప్రమోషన్స్ ని ఇంకా పెంచేందుకు సిద్ధమవుతోంది.  జనవరి 10న అజ్ఞాతవాసి రిలీజ్!!