సత్యదేవ్ గాడ్సెే లో ఐశ్వర్య..!

ఎలాంటి అండ లేకుండా ఇండస్ట్రీలో ఎదుగుతున్న అతికొద్ది మందిలో టాలెంటెడ్ యాక్ట‌ర్ స‌త్య‌దేవ్ ఒకరు. ఆయన నటిస్తున్న లేటెస్ట్ మూవీ “గాడ్సే”! గోపి గ‌ణేష్ ప‌ట్టాభి ద‌ర్శ‌కత్వంలో తెరకెక్కుతోంది. ఇటీవ‌ల విడుద‌ల చేసిన ఈ మూవీ టైటిల్ పోస్ట‌ర్‌కు హ్యూజ్ రెస్పాన్స్ వ‌చ్చింది.

గతంలో స‌త్య‌దేవ్‌-గోపి గ‌ణేష్ ప‌ట్టాభి కాంబోలో “బ్ల‌ఫ్ మాస్ట‌ర్‌” వచ్చిన విషయం తెలిసిందే. ఈ మూవీ తర్వాత యాక్ష‌న్ ప్యాక్డ్ థ్రిల్ల‌ర్ ‘గాడ్సే’తో మ‌రోసారి అల‌రించబోతున్నారు. ఈ సినిమాలో పాపులర్ మలయాళ నటి ఐశ్వర్య లక్ష్మి హీరోయిన్ గా నటించబోతోంది. ఇప్పటికే కొన్ని త‌మిళ చిత్రాల్లో న‌టించిన ఐశ్వర్య.. ఈ సినిమాతో తెలుగులో తెరంగేట్రం చేయబోతోంది.

ఈ సినిమాలో సత్యదేవ్ ఇప్ప‌టి వ‌ర‌కూ నటించని భిన్నమైన క్యారెక్ట‌ర్‌లో కనిపిస్తుండగా.. ఐశ్వర్య లక్ష్మి సైతం పెర్ఫార్మెన్స్ కి స్కోప్ ఉన్న పాత్ర‌లో న‌టిస్తోంది. గోపిగ‌ణేష్ ప‌ట్టాభి ద‌ర్శ‌క‌త్వంతో పాటు క‌థ‌, స్క్రీన్‌ప్లే, డైలాగ్స్‌ కూడా అందిస్తున్నారు.

అలాగే.. ఈ మూవీలో నాజ‌ర్‌, బ్ర‌హ్మాజీ, ఆదిత్య మీన‌న్‌, కిషోర్ తదితరులు కీలక పాత్రల్లో నటిస్తున్నారు.
సి.కె. స్క్రీన్స్ ప‌తాకంపై ప్ర‌ముఖ నిర్మాత సి.క‌ల్యాణ్ ఈ చిత్రాన్ని నిర్మిస్తున్నారు. సి.వి.రావు స‌హ నిర్మాత‌గా వ్యవహరిస్తున్నారు.