వాణికి.. అక్కినేనికి.. లింకేంటో??

ఇప్పుడు అఖిల్ అక్కినేని ఖాళీగా ఉన్న సమయంలో హైదరాబాదులో కంటే ఎక్కువగా ముంబయ్ లో ఉంటున్నాడు. ఆ మధ్యన హృతిక్ రోషన్ అండ్ రణవీర్ సింగ్ వంటి హీరోలతో మనోడు ఫోటోలు పెట్టిన సంగతి తెలిసిందే. అవన్నీ కూడా ముంబయ్ లో తన జిమ్ దగ్గర దిగిన ఫోటోలేనట. అంటే ముంబయ్ లో కూర్చుని కండలను పెంచుతున్నాడనమాట.

అయితే సడన్ గా ఇప్పుడు హీరోయిన్ వాణి కపూర్ తో కలసి ఒక ఫోటో పెట్టాడు అఖిల్. ఇంతకీ ఆ బేఫికర్ బ్యూటీకి ఈ యంగ్ హీరోకు లింకేంటి? నిజానికి ముంబయ్ లో ఉంటున్న అఖిల్ ను అక్కడే చాలా ఈవెంట్లకు అటెండ్ అవుతున్నాడు. అందులో భాగంగా మొన్న ముంబయ్ లో ప్రముఖ ఫ్యాషన్ డిజైనర్ మనీష్‌ మల్హోత్రా ఫ్యాషన్ షోకు కూడా విచ్చేశాడు. అక్కడ షో స్టాపర్ గా ర్యాంప్ వాక్ చేసింది వాణి కపూర్. ఆ విధంగా వాణితో కలసి మనోడు కూడా ర్యాంపుపై ఒక నడకేసి.. ఫోటోలకు చూపేశాడు. అదే వీరి లింక్.

ఇదంతా బాగానే ఉంది కాని.. అసలు అఖిల్ ''జున్ను'' తింటున్నాడా? లేదా? తొలి సినిమా రిలీజై సంవత్సరంన్నర కావొస్తున్నా కూడా.. ఇంకా రెండవది పట్టాలెక్కకపోవడం మాత్రం కాస్త ఆశ్చర్యకరమే.

Like Us on Facebook : https://www.facebook.com/Tupakidotcom/