నాగార్జున బ‌ర్త్‌ డేకి స్వీట్ షాక్‌

అక్కినేని చియాన్ అఖిల్ న‌టిస్తున్న మూడో సినిమా చిత్రీక‌ర‌ణ శ‌ర‌వేగంగా సాగుతున్న సంగ‌తి తెలిసిందే. `తొలి ప్రేమ` ఫేం వెంకీ అట్లూరి ఈ చిత్రానికి ద‌ర్శ‌క‌త్వం వ‌హిస్తున్నారు. క‌న్న‌డ బ్యూటీ నిధి అగ‌ర్వాల్ అఖిల్ స‌ర‌స‌న క‌థానాయిక‌గా ఆడిపాడుతుంటే - హాల్యాండ్ పోరి ఫ‌రా కరిమి  ఓ ఐటెమ్ నంబ‌ర్‌ లో ఆడిపాడుతోంది. త‌మ‌న్ స్వ‌రాలు అందిస్తున్నారు. ఇప్ప‌టికే ఈ సినిమా స‌గ‌భాగం చిత్రీక‌ర‌ణ పూర్త‌యింద‌ని తెలుస్తోంది. క్రిస్మ‌స్ కానుక‌గా డిసెంబ‌ర్‌ లో ఈ చిత్రాన్ని రిలీజ్ చేయ‌నున్నారు. అయితే రిలీజ్ తేదీ స‌హా ఇత‌ర‌త్రా వివరాల్ని అధికారికంగా ప్ర‌క‌టించాల్సి ఉందింకా.

అఖిల్‌ - హ‌లో చిత్రాలు అక్కినేని బుల్లోడికి ఆశించిన ఫ‌లితాన్ని ఇవ్వ‌క‌పోవ‌డంతో మూడో సినిమాని ఎంతో జాగ్ర‌త్త‌గా తెర‌కెక్కిస్తున్నారు. ఈ సినిమా కోసం అఖిల్ య‌థావిధిగా త‌న స‌ర్వ‌శ‌క్తుల్ని కేంద్రీక‌రించి ఎంతో హార్డ్ వ‌ర్క్ చేస్తున్నాడు. బ్రిట‌న్‌ లో భారీ షెడ్యూల్‌ ని చిత్రీక‌రిస్తున్నారు. ఆగ‌స్టు 14తో 70 శాతం చిత్రీక‌ర‌ణ పూర్త‌వుతుంద‌ని తెలుస్తోంది. ఇక‌పోతే ఈ సినిమా  టైటిల్ ఏంటి? ఫ‌స్ట్‌ లుక్ ఎలా ఉండ‌బోతోంది? అన్నప్ర‌శ్న‌ల‌కు త్వ‌ర‌లోనే ఆన్స‌ర్ రానుంద‌ని తెలుస్తోంది. కింగ్ నాగార్జున పుట్టిన‌రోజు సంద‌ర్భంగా చియాన్ అభిమానుల‌కు పెద్ద స‌ర్‌ ప్రైజ్ ఉంటుందిట‌. ఆగ‌స్టు 29న నాగ్ బి-డేకి  అఖిల్ 3వ సినిమా ఫ‌స్ట్‌ లుక్‌ - టైటిల్ లాంచ్‌ కి ప్లాన్ చేస్తున్నార‌ని తెలుస్తోంది. అయితే దీనిని అక్కినేని కాంపౌండ్ ప్ర‌క‌టిస్తుందేమో కాస్త వేచి చూడాలి.