ఇంస్టాలో అరుదైన ఫీట్ సాధించిన అక్కినేని కోడలు!!

సౌత్ ఇండియన్ స్టార్ హీరోయిన్ సమంతకు సినీ ఇండస్ట్రీలో ఎంతటి క్రేజ్ కలిగిఉందో అందరికి తెలిసిందే. సమంత తెలుగు ఇండస్ట్రీకి ఏమాయ చేసావే సినిమాతో పరిచయం అయింది. ఫస్ట్ సినిమా సూపర్ హిట్ కావడంతో వరుసగా ఆఫర్స్ దక్కించుకొని స్టార్ హీరోల సరసన సూపర్ హిట్ సినిమాలు చేసింది. ప్రస్తుతం సమంత వెబ్ సిరీస్ తో బాలీవుడ్ డెబ్యూ చేయనుంది. ఆమె నటించిన 'ది ఫ్యామిలీ మ్యాన్' సీజన్ 2 త్వరలో విడుదల కాబోతుంది. తాజాగా సామ్ ఇంస్టాగ్రామ్ లో అరుదైన ఫీట్ అందుకుంది. సోషల్ మీడియాలో ఎల్లప్పుడూ యాక్టీవ్ గా ఉండే సామ్ ఎప్పటికప్పుడు తనకు సంబంధించిన ఫోటోలు, వీడియోలు పోస్ట్ చేస్తూ ఫాలోయింగ్ పెంచుకుంటుంది. తాజాగా సామ్ ఇంస్టాగ్రామ్ లో 15 మిలియన్స్ ఫాలోయర్స్ సొంతం చేసుకుంది.

ఈ సందర్భంగా సంతోషం వ్యక్తం చేస్తూ సమంత ఓ స్పెషల్ వీడియోను అభిమానులతో పంచుకుంది. పదిహేను మిలియన్ల బలం ఉంది అన్నట్లుగా నోట్ జతచేసింది. ఇక వీడియోలో సమంత తన ఇన్‌స్టాగ్రామ్ ఫ్యామిలీలో భాగమైన ప్రతి ఒక్కరికి ధన్యవాదాలు తెలిపింది. తన అభిమానులు, అనుచరులు చూపిన ప్రేమ వల్లనే తాను ఈ స్థితిలో ఉన్నానని సామ్ తెలిపింది. ఎల్లప్పుడూ సోషల్ మీడియాలో చురుకుగా ఉండే సామ్ అప్పుడప్పుడు ఫ్యాన్స్ తో చిట్ చాట్ చేస్తోంది. కెరీర్ లో ఫస్ట్ టైం బాలీవుడ్ వెబ్ సిరీస్ లో కనిపించనుంది. ఎప్పటినుండో కోరుకుంటున్న నెగటివ్ రోల్ ది ఫ్యామిలీ మ్యాన్2 రూపంలో ఎదురైందని చెబుతోంది సామ్. ప్రస్తుతం సమంత చేతిలో తమిళ మూవీ కాతువాకుల రెండు కాదల్ తో పాటు గుణశేఖర్ దర్శకత్వంలో శకుంతలం సినిమాలో నటిస్తున్నట్లు తెలుస్తుంది.