బాలీవుడ్ స్టార్ హీరో అక్షయ్ కుమార్ మూవీస్ తో ఫుల్లు బిజీ అనే సంగతి తెలిసిందే. సంవత్సరానికి 3-4 సినిమాలు చేసేస్తూ తెగ స్పీడ్ చూపించే ఈ స్టార్.. బ్రాండ్ అండార్స్ మెంట్స్ విషయంలో కూడా జోరు చూపిస్తాడు. ఇప్పటికే ఈయన ఖాతాలో చాలానే బ్రాండ్స్ ఉండగా.. ఇప్పుడు దేశీయ అతి పెద్ద కార్పొరేట్ కంపెనీల్లో ఒకటైన టాటా మోటార్స్ కూడా ఈయనతో ఒప్పందం చేసుకుంటోంది.
బాలీవుడ్ ఖిలాడీగా పేరు గాంచిన అక్షయ్ కుమార్ ను తమ అంబాసిడర్ గా నియమించుకుంది టాటా మోటార్స్. ఇప్పటికే ఒప్పందాలు పూర్తయ్యాయని చెప్పిన కంపెనీ వర్గాలు.. కమర్షియల్ వెహికల్ సెగ్మెంట్ కు అక్షయ్ కుమార్ ప్రచారం చేయనున్నాడని తెలిపింది. 2017 జనవరి నుంచి అక్షయ్ తో తీసిన యాడ్స్ ను టెలికాస్ట్ చేయనున్నారట. ఈ ఖిలాడీతో మల్టీ మీడియా కేంపెయిన్ కూడా నిర్వహించేందుకు కంపెనీ రెడీ అవుతోంది.
టాటా మోటార్స్ లాంటి ప్రముఖ సంస్థకు ప్రచారం చేయడాన్ని గౌరవంగా భావిస్తానంటున్నాడు అక్షయ్. రీసెంట్ గా రుస్తొం మూవీతో సక్సెస్ కొట్టిన అక్షయ్.. త్వరలో జాలీ ఎల్ఎల్బీ.. టాయిలెట్ ఏక్ ప్రేమ్ కథల్లో హీరోగాను.. రోబో సీక్వెల్ 2.0లో విలన్ గాను ప్రేక్షకులను అలరించనున్నాడు.
Like Us on Facebook : https://www.facebook.com/Tupakidotcom/