పవన్ కోసం అర్జున్ అకీరాలు

జనసేన కోసం రాష్ట్ర పర్యటనల్లో యమా  బిజీగా ఉన్న మెగా బ్రదర్స్ పవన్ కళ్యాణ్ నాగబాబులకు మెగా కాంపౌండ్ నుంచి నేరుగా ప్రచారంలో ప్రత్యక్ష మద్దతు దక్కలేదు కాని పరోక్షంగా నిలుస్తున్న వాళ్ళ సంఖ్య  పెరుగుతోంది. ఇప్పటికే నాన్నకు తోడుగా నీహారిక ఫీల్డ్ లో దిగేసింది. ఇవాళ రేపో వరుణ్ తేజ్ వస్తాడు. ఈ నేపధ్యంలో అల్లు అర్జున్ అకీరా నందన్ ను చేసిన ట్వీట్లు ఇప్పుడు ఆసక్తికరంగా మారాయి.

నాగబాబు ఎన్నికల్లో పోటీ చేస్తూ ప్రజా సేవకు ముందుకు రావడాన్ని స్వాగతిస్తున్నానన్న బన్నీ నేరుగా మీతో లేకపోయినా ఎలక్షన్ క్యాంపెయిన్ లో పాల్గొనకపోయినా నైతిక మద్దతు ఖచ్చితంగా ఉంటుందని పబ్లిక్ గా ప్రకటించేశాడు. అంటే తన ఓటు జనసేనకే అని నేరుగా చెప్పడం ద్వారా అభిమానులకు కూడా సంకేతం ఇచ్చినట్టే

ఇక పవన్ కళ్యాణ్ గురించి ప్రస్తావిస్తూ ఆయన రాజకీయ జీవితం కొత్త మలుపు తీసుకోవాలని సమాజంలో కోరుతున్న మార్పు ఆయన నాయకత్వంలో వస్తుందన్న నమ్మకం తనకు ఉందని పవన్ నాయకత్వ లక్షణాలను ఓ రేంజ్ లో పొగిడేశాడు. దీని ద్వారా తన స్టాండ్ ఏంటో అల్లు అర్జున్ స్పష్టంగా చెప్పెసినట్టే.

ఇక పవన్ మొదటి వారసుడు అకీరా నందన్ ట్వీట్ చేస్తూ నాన్న సరైన నిద్ర లేక వడదెబ్బకు గురవుతున్నా తెనాలి సభకు వెళ్ళాలని ప్రయత్నించడం చూస్తే కళ్ళలో నీళ్ళు వస్తున్నాయని పేర్కొన్నాడు. అంతే కాదు బ్లడ్ పెడుతున్నాడు అని అభిమానులను ఎమోషనల్ గా టచ్ చేశాడు. ఇప్పుడీ రెండు ట్వీట్లతో జనసేన బ్యాచ్ కు కొత్త ఉత్సాహం వచ్చినట్టు అయ్యింది.