రజినీతో ఆమె అడ్వంచర్ లు మొదలు

సౌతిండియా సూపర్ స్టార్ రజినీకాంత్ నటిస్తున్న లేటెస్ట్ మూవీ 2.0. రోబో సీక్వెల్ గా తెరకెక్కుతున్న ఈ చిత్రం షూటింగ్ మళ్లీ ప్రారంభమైంది. ఈ పాటికే చాలా వర్క్ ఫినిష్ అయిపోవాలి కానీ.. మధ్యలో రజినీకాంత్ కి అనారోగ్యం కారణంగా.. కొంత లేట్ అయింది. ఇప్పుడు 2.0 షూటింగ్ తిరిగి ప్రారంభించగా.. హీరోయిన్ అమీ జాక్సన్ సెట్స్ లో జాయిన్ అయింది.

లేటెస్ట్ షెడ్యూల్ శనివారం నుంచి అమీజాక్సన్ షూటింగ్ లో పాల్గొంటోందని యూనిట్ వర్గాలు చెబుతున్నాయి. ఈ షెడ్యూల్ లో రజినీకాంత్ తో కలిసి కొన్ని యాక్షన్ సీక్వెన్స్ తో పాటు.. పలు కీలక సన్నివేశాలను కూడా పిక్చరైజ్  చేయనున్నారట. కొన్నివారాల పాటు జరగనున్న ఈ షూటింగ్ తో.. సినిమాలో ప్రధానమైన భాగం కంప్లీట్ అవుతుందని అంటున్నారు. 'శంకర్ షణ్ముఖ్ తీస్తున్న రోబో 2.0 మూవీలో యాక్షన్ ప్యాక్డ్ సీన్స్ కోసం చెన్నైలో ల్యాండ్ అయ్యా' అంటోంది అమీజాక్సన్.

శంకర్ దర్శకత్వంలో 350 కోట్ల ఖర్చుతో ప్రతిష్టాత్మకంగా తీస్తున్న రోబో సీక్వెల్ లో.. అక్షయ్ కమార్ మెయిన్ విలన్ గా కనిపించనున్నాడు. లైకా ప్రొడక్షన్స్ ఈ చిత్రాన్ని నిర్మిస్తుండగా.. వచ్చే ఏడాది సమ్మర్ నాటికి విడుదల చేయాలన్నది మేకర్స్ ఆలోచన. రెహమాన్ అందిస్తున్న సంగీతం 2.0 కి ప్రధాన ఆకర్షణ కానుంది.