ఫోటో స్టోరి: అందాల ఆడ‌బొమ్మ‌

అందాల ఆడ‌బొమ్మ‌.. ఎంత బావుంది ముద్దుగుమ్మ‌!  .. అనుప‌మ ప‌ర‌మేశ్వ‌ర‌న్ అందం గురించి యూత్ ఫీలింగ్ ఇది. క్యూట్‌ లుక్స్‌తో ఈ భామ ఏనాడో స్పెల్ బౌండ్ చేసేసింది. `ప్రేమ‌మ్` మొద‌లు కెరీర్‌ ని ఎదురే లేకుండా సాగించింది. అయితే ఇటీవ‌ల వ‌రుస‌గా మూడు ఫ్లాప్‌ లు ఈ భామను బాగా ఇబ్బంది పెట్టాయి. సాయిధ‌ర‌మ్‌ స‌ర‌స‌న న‌టించిన తేజ్-ఐ ల‌వ్ యు - రామ్ స‌ర‌స‌న న‌టించిన `ఉన్న‌ది ఒక్క‌టే జిందగీ` - `హ‌లో గురూ ప్రేమ‌కోస‌మే` చిత్రాలు త‌న కెరీర్‌కి పెద్ద మైన‌స్ అనే చెప్పాలి. ఈ సినిమాలు హిట్లు కొడితే త‌న కెరీర్‌కు మ‌రింత బూస్ట్ ద‌క్కుతుంద‌నుకుంటే పూర్తి రివ‌ర్సులో ప‌లితాలు వ‌చ్చాయి. మొత్తానికి అనుప‌మ ఆశించ‌న‌ది ఒక‌టి.. అయ్యిందొక‌టి.

దీంతో ఈ బ్యూటీ ప్ర‌స్తుతం ఇరుగుపొరుగు ప‌రిశ్ర‌మ‌ల‌పై దృష్టి సారించింది. క‌న్న‌డ‌లో పునీత్ రాజ్‌ కుమార్ స‌ర‌స‌న `న‌ట‌సార్వ‌భౌమ‌` అనే చిత్రంలో నాయిక‌గా న‌టిస్తోంది. ప్ర‌స్తుతం ఈ సినిమా మిన‌హా అనుప‌మ వేరొక సినిమాకి సంత‌కం చేసిందే లేదు. ఈ గ్యాప్‌ లోనే ఈ భామ సామాజిక మాధ్య‌మాల్లో అభిమానుల‌కు ర‌క‌ర‌కాల ఫోటోషూట్ల‌తో ట‌చ్‌ లో ఉంది.

తాజాగా వెడ్డింగ్ వావ్స్ మ్యాగ‌జైన్ క‌వ‌ర్‌ షూట్‌ లో పాల్గొంది. ఆ ఫోటోలు - వీడియోని ట్విట్ట‌ర్లో అభిమానుల‌కు షేర్ చేసింది అనుప‌మ‌. ఈ లేటెస్ట్‌ ఫోటోషూట్‌లో న‌వ‌వ‌ధువు అలంక‌ర‌ణ‌లో క్యూట్ అనుప‌మ మైమ‌రిపిస్తోంది. సింపుల్‌ గా స్మైల్ ఇస్తూ ఐటెక్స్ కాటుక క‌ళ్ల‌తో కుర్రాళ్ల గుండెల‌కు గాలం వేసిందిలా. వీడియో ఆద్యంతం అనుప‌మ ఫోజులు మైమ‌రిపిస్తున్నాయి.