బాబూ బంగారం.. ఇది దేనికి సంకేతం?

‘కబాలి’ సస్పెన్స్ వీడిపోయింది. కానీ దాని వల్ల మిగతా సినిమాల విడుదల సంగతి సందిగ్ధంలో పడిపోయింది. ఈ నెల 22కు షెడ్యూల్ అయిన జక్కన్న.. చుట్టాలబ్బాయి వాయిదా పడ్డంలో సందేహమేమీ లేదు. ఐతే ‘బాబు బంగారం’ పరిస్థితే అయోమయంగా ఉంది. నిన్నటిదాకా 29 పక్కా అనుకున్నారు కానీ.. ఈ రోజు పరిణామాలు చూస్తుంటే ఈ సినిమా ఆగస్టు ద్వితీయార్ధానికి వాయిదా పడినట్లు తెలుస్తోంది. ఈ నెల తొమ్మిదో తారీఖునే ‘బాబు బంగారం’ ఆడియో విడుదల కావాల్సింది. అనివార్య కారణాల వల్ల 20వ తేదీకి వాయిదా వేశారు. ఐతే తాజా సమచారం ప్రకారం ఆ రోజు కూడా ఆడియో విడుదల కాదట. ఇంకా ఆలస్యమవుతుందట.

సినిమా విడుదలకు 9 రోజుల ముందు కూడా ఆడియో వేడుక జరగదు.. వాయిదా పడుతుంది అంటే.. సినిమా కూడా వాయిదా అని ఫిక్సయిపోవచ్చు. కబాలికి.. జనతా గ్యారేజ్ కు మధ్య నలిగిపోవడం కంటే.. ఆగస్టు చివర్లో వస్తే సేఫ్ అని ‘బాబు బంగారం’ టీం భావిస్తున్నట్లు సమాచారం. ఐతే మళ్లీ సినిమాను వాయిదా వేసుకోవాల్సిన అవసరం లేకుండా.. ముందే డేట్ లాక్ చేసుకుని అనౌన్స్ మెంట్ ఇచ్చేయాలని అనుకుంటున్నారట. దాసరి మారుతి దర్శకత్వంలో తెరకెక్కిన ‘బాబు బంగారం’ మీద అంచనాలు బాగానే ఉన్నాయి. టీజర్ రిలీజైన దగ్గర్నుంచి ఈ సినిమాపై జనాల్లో పాజిటివ్ బజ్ నెలకొంది. లక్ష్మీ.. తులసి లాంటి సక్సెస్ ఫుల్ సినిమాల తర్వాత వెంకీ-నయన్ కలసి నటించిన సినిమా ఇది.